பக்கம்:எதைத் தேடுகிறாய்.pdf/41

27..............................எதைத் தேடுகிறாய்.?

மூத்த பிள்ளை!

அன்பினால்பெற்றெடுக்கும்
ஆவிநிகர் பிள்ளை யோடே
உன்னையும் பாசம் பொங்க
உரைப்பார்கள்'பிள்ளை' என்றே!
தென்பாங்குத் தமிழர் சொத்தே!
தென்னையே! உன்னைப் போலே
மன்பதைக்கே தன்னை ஈயும்
மற்றொரு தியாகி இல்லை!

திண்ணிய குறிக்கோ ளுடையார்;
செருப்பகைமேல் பாயும் வீரர்;
புண்ணியம் செய்யும் கையார்;
புரையிலா ஞானி - இவர்கள்
எண்ணங்கள் குனிவதில்லை!
எப்போதும் ஓங்கும்!அந்த
வண்ணமே நீயும் என்றும்
வளர்கின்றாய் வானை நோக்கி!