396
'சிவைநல்லமுதம் தரத் தான் கொண்டு நின் நற்செவிக்குச்
சொல்லமுதந் தந்த எங்கள்பிரான்'
என்னும் தொடராகும்.
சிவை = உமையம்மை, நல்லமுதம் = அம்மையார் அளித்த ஞானப்பாலமுதம், நாவினாற் பருகிய ஞானப் பாலைத் தேவாரத் திருப்பதிகம் என்னும் சொல்லமுதமாக அன்பர் பலரும் பருக அளித்த பெருமை காழிக்கவுணியர் பிரானாகிய வள்ளலுக்கே உரியதென்பது இத்தொடரின் கருத்தாகும்.
வள்ளலார் அருளிய இப்பாடல்:
பூவான் மலிமணிநீர்ப் பொய்கைக் கரையினியற்
பாவான் மொழிஞானப் பாலுண்டு - நாவான்
மறித்தெஞ் செவியமுதா வார்த்த பிரான் றண்டை
வெறித் தண் கமலமே வீடு.
எனவரும் சிவப்பிரகாசரின் பாடற்பொருளை நினைவு கூறும் நிலையில் அமைந்துள்ளமை குறிப்பிடத்தக்கதாகும்.
திருஞான சம்பந்தப் பிள்ளையார் நல்லூரில் வாழ்ந்த நம்பியாண்டார் நம்பியின் திருமகளாரை மணந்து தீவலம் வருதலான சடங்கினை நிறைவேற்றும் நிலையில் 'விருப்புறும் அங்கியாவார் விடையுயர்த்தவரே' யென்னும் சிந்தையராய்த் தீயினை வலம் வந்தார்; நல்லூர்ப் பெருமணத் திருக்கோயிலையடைந்து 'கல்லூர்ப் பெருமணம் வேண்டா' என்னும் முதற் குறிப்புடைய திருப்பதிகத்தைப் பாடி, அங்கு எழுந்த
