பீரு முகம்மது
பீரு முகம்மது
- ஞான ரத்தினக் குறவஞ்சி
- பக்கம் 252 - 256
காப்பு தொகு
• தரவு கொச்சகக் கலிப்பா
- பொன்னுலகு பொருந்துமனப் பொருள் அறியத் தானம் அறிய
- மின்னுலகில் மெய்ஞ்ஞானம் விளங்குற வஞ்சிதனை
- உன்னாமல் தன்னினைவின் உன்னி யுதிப் பொருநான் காய்த்
- தன்னிறையைத் தன்னினைவாய்த் தரிப்பதுவே காப்பாமே
கண்ணிகள் தொகு
1 தொகு
- ஆதிக்கு முன்னம நாதியு மென்னடிசிங்கி
- அந்தக் கருக்குழி முந்த இருளறை சிங்கா
2 தொகு
- ஆதியாய் வந்த அரும்பொருளேதடி சிங்கி
- சொதியி லாதி சொரூபா யெழுந்தது சிங்கா
3 தொகு
- சோதியி லாதி சொருபமான தெப்படி சிங்கி
- வேதமாம் முப்பொரு ளொன்றாய் முடிந்தது சிங்கா
4 தொகு
- முப்பொரு ளென்று நீ முன் சொன்ன தாரடி சிங்கி
- அப்பனு மாயிர மாதியாம் நாமடா சிங்கா
5 தொகு
- எப்படி யுலகில் இப்படி யுருவானோம் சிங்கி
- அப்பன் தன் னட்புக்கு ஒப்பிய தாயாலே சிங்கா
6 தொகு
- பராப ரத்தினிற் பஞ்சவன் னமேது சிங்கி
- வேராகித் தூரான விந்து நிறமடா சிங்கா
7 தொகு
- ஒன்றுக்குள் ஐவர்கள் உண்டானதெப்படி சிங்கி
- ஒன்றோடே ஒன்றாக ஓடி இணைந்தது சிங்கா
8 தொகு
- மூலக் குகைக்குள்ளே முச்சுடரே தடி சிங்கி – அது
- நாதத்தில் ஐம்பூதம் நன்பா யுதித்தது சிங்கா
9 தொகு
- மூலக் குகையெனுங் கோட்டைக் கரசர் யார் சிங்கி – அது
- முப்பொருள் ஒன்றாய் முடிந்த நினைவடா – சிங்கா
10 தொகு
- மூலக் கிழங்கு முளைத்திடம் எவ்விடம் சிங்கி – அது
- நாதத்திலான நடுநிலை யல்லவோ சிங்கா
11 தொகு
- முன்னே முளையாய் முளைத்திடம் எவ்விடம் சிங்கி – அது
- மூளைமுனையிரு கண்ணிக ளல்லவோ சிங்கா
12 தொகு
- முன்னே யுருவாய் முடிந்திட மெவ்விடம் சிங்கி – அது
- பெண்ணாணு மாகப் பிறந்த தலமடா சிங்கா
13 தொகு
- இந்த வுடலுக்கு வேரென்ன தூரென்ன சிங்கி – அது
- இந்த வுடலுக்கு யிராதி மூலமே சிங்கா
14 தொகு
- இந்த வுடலுக் குயிர் வந்ததெப்படி சிங்கி – அது
- தொந்தி நடுக்குழி தொப்பூழ் வழியடா சிங்கா
15 தொகு
- இந்த வுடலுக் குயிரெங்கே நின்றது சிங்கி – அது
- அந்தர மாயண்ட மாக்கொடி யல்லவோ சிங்கா
16 தொகு
- இந்த வுடற்கனி எந்தக் கொடிக்கனி சிங்கி – அது
- முந்திய கொப்பூழு மாக்கொடி யல்லவோ சிங்கா
17 தொகு
- மாக்கொடி என்பதை மானிடர் என் சொன்னார் சிங்கி
- மட்டில் அடங்காத மாகலி மாவடா சிங்கா
18 தொகு
- எந்த வழியினால் வந்தோ முலகினில் சிங்கி – அது
- எல்லா முடிந்த பொருள் வழியாமடா சிங்கா
19 தொகு
- முன்னே அறிவால் அறிவகை என்னடி சிங்கி – அது
- முன் சுடர் மூன்றும் உடலுயிர் ஆத்துமா சிங்கா
20 தொகு
- பின்னே ரறிவர்கள் ஒன்றான தெப்படி சிங்கி – அது
- பேதகமற்ற பெருவெளி யானது சிங்கா
21 தொகு
- ஆசை கொண்டு நம்மை யாட்டுவாராரடி சிங்கி – அது
- அக்கினி வாயுநீர் மண்ணின் மகிமையே சிங்கா
22 தொகு
- ஆசை பாசப்பலன் அனுபோகம் ஆரடி சிங்கி – அது
- அங்கம் பொருந்திய பங்குமண் அல்லவோ சிங்கா
23 தொகு
- தன்னை அறியுந்தலமேது சொல்லடி சிங்கி – அது
- கண்ணிடையான நடுநிலை யல்லவோ சிங்கா
===24---
- என்னவிதமாகத் தன்னை யறிவது சிங்கி – அது
- தன்னவன் தாய்தந்தை யாகி நாமானது சிங்கா
25 தொகு
- இறையை அறிவதிங் கெப்படிச் சொல்லடி சிங்கி – அது
- இறையெங்கு நின்றாடுந் தன்நினை வாகுமே சிங்கா
26 தொகு
- தன்னுள் விளங்கும் தவமென்ன சொல்லடி சிங்கி – அது
- தன்னை மறந்து தவத்தில் இருப்பது சிங்கா
27 தொகு
- என்ன விதமாகத் தன்னை மறப்பது சிங்கி – அது
- ஒன்றைப் பொருந்தி யொடுங்கியிருப்பது சிங்கா
28 தொகு
- என்ன விதமாக ஒன்றைப் பொருந்தலாம் சிங்கி – அது
- எல்லா மறந்து இருளா யிருப்பது சிங்கா
29 தொகு
- ஒன்றென்று சொன்ன உயர்நிலை என்னடி சிங்கி –அது
- உன்னா லுதிப்பல முன்னால் நினைவடா சிங்கா
30 தொகு
- கன்னி யெழுந்து கலந்திடம் எவ்விடஞ் சிங்கி – சில
- உன்னி யெழுந்த உயிர் நிலை யல்லவோ சிங்கா
31 தொகு
- எங்கும் பரந்த பெரும் பொருளென்னடி சிங்கி – அது
- அங்கிங்கு மெங்குமாய்க் கண்ட பெருவெளி சிங்கா
32 தொகு
- அண்ணிணு மெண்ணும் அழியாப் பொருளென்ன சிங்கி – இரு
- கண்ணையு மூட இருளழி யாப்பொருள் சிங்கா
33 தொகு
- ஆங்கார வுடலுக்கு ஆணியா னென்னடி சிங்கி – அது
- ஓங்கார மூலத்தின் உள்ளொளி யல்லவோ சிங்கா
34 தொகு
- ஆணியாய் வந்த அரும்பொருள் என்னடி சிங்கி – முன்
- தோணிய சற்குரு முதனாம மல்லவோ சிங்கா
35 தொகு
- இந்தப் பொருள் வந்ததெந்த வழியடி சிங்கி – அது
- அந்தக் கதிர்மதி வந்த வழியடா சிங்கா
36 தொகு
- கத்த னொளிவு கலந்திடம் எவ்விடம் சிங்கி – அது
- அத்தன் நடனந்தான் ஆடிய தற்பரஞ் சிங்கா
37 தொகு
- உத்தம்பஃ பொருளுக்கு உயிரெழுத் தென்னடி சிங்கி – வழி
- நச்சரவாடும் நடுநிலை யல்லவோ சிங்கா
38 தொகு
- எட்டெழுத்தாக எழுந்தெழுத் தென்னடி சிங்கி – அது
- மட்டி லடங்கா வடிவட்ட கோணமே சிங்கா
39 தொகு
- அஞ்செழுத்தாக அமைந்தெழுத் தென்னடி சிங்கி – அது
- அஞ்சும் பொருந்திய ஆகாய வட்டமே சிங்கா
40 தொகு
- அன்பத்தோ ரட்சரம் அறிய நீ சொல்லடி சிங்கி – அது
- வஞ்ச மகார நடுச்சுழி மூன்றுமே சிங்கா
41 தொகு
- கற்பக வாசி கலந்திடம் எவ்விடம் சிங்கி – அது
- உற்பன மூலத்தி னுள்ளளொளி யல்லவோ சிங்கா
42 தொகு
- சத்தம் பிறந்திடும் சற்குரு வேதடி சிங்கி – அது
- உற்ற சுவாசம் உயிர்நிலை யல்லவோ சிங்கா
43 தொகு
- கண்டு தொழுஞ்சிவ காரண மேதடி சிங்கி – நம்மை
- உண்டு படுத்திய உள்ளொளி யானதே சிங்கா
44 தொகு
எப்படிக் கண்டே இறையை வணங்கலாம் சிங்கி – அது
- நட்புடன் இரண்டு நடுநிலை காண்பது சிங்கா
45 தொகு
- நடுநிலை யானதை நாடுவதெப்படி சிங்கி – அது
- நாட்டந் தேட்ட மோட்ட மாட்ட மொன்றாயினால் சிங்கா
46 தொகு
- தேட்டமு நாலுந் திருந்துவ தெப்படி சிங்கி – அது
- திருவைப் பொருந்தி ஒருமித் திருப்பதே சிங்கா
47 தொகு
- ஒருமித் திருக்கின்ற ஓரிட மெவ்விடம் சிங்கி – அது
- ஒன்றாம் இரவும் பகலும் உதிப்பிடம் சிங்கா
48 தொகு
- இரவும் பகலும் ஒன்றானது மெவ்விடம் சிங்கி – அது
- எப்போதும் இருளாய் இருப்பது மூளையே சிங்கா
49 தொகு
- இரவும் பகலும் பிறப்பிட மெவ்விடம் சிங்கி – அது
- இருளில் உதித்துன்னி வந்தத டிமூலம் சிங்கா
50 தொகு
- இரவும் பகலும் மெழுந்திடம் எவ்விடம் சிங்கி – அது
- ஏகாந்த உன்னல்வந்து ஏறிய தாமரை சிங்கா
51 தொகு
- இரவும் பகலும் பிறந்திடம் எவ்விடம் சிங்கி – அது
- எழுந்தறு கோணம் இடம்வலம் வாசியே சிங்கா
52 தொகு
- இரவும் பகலும் நின் றாடிய தெவ்விடம் சிங்கி – அது
- எழுந்து நின்றாடுஞ் சுழுமுனை மண்டலம் சிங்கா
53 தொகு
- இரவும் பகலும் இருப்பிடம் எவ்விடம் சிங்கி – அது
- ஈராறு மோடிய வோரான நான்கடா சிங்கா
54 தொகு
இரவும் பகலும் உதிப்பிடம் எவ்விடம் சிங்கி – அது
- ஏறுமெட்டங்குல மிருவிழி நடுநிலை சிங்கா
55 தொகு
- இரவம் பகலுமென் றென்னதைச் சொல்லலாம் சிங்கி – அது
- இரவு பகலிடை பிங்கலை வாசியே சிங்கா
56 தொகு
- இடைகலை பிங்கலை என்னத்தைச் சொல்லலாம் சிங்கி – அது
- இடைகலை சந்திரன் பிங்கலை சூரியன் சிங்கா
57 தொகு
- என்னத்தைச் சொல்லலாம் சந்திரன் சூரியன் சிங்கி – அது
கலையும் பொருந்தும் நடுச்சுழு முனையே சிங்கா
58 தொகு
- சந்திரன் சூரியன் ஒன்றான தெவ்விடம் சிங்கி – அது
- கலையும் பொருந்து நடுச்சுழு முனையே சிங்கா
59 தொகு
- என்னத்திலே பாலனேறி நின்றாடுது சிங்கி – அது
- உன்னுக்குள் வாசி நடனப் புரவிமேற் சிங்கா
60 தொகு
- என்ன விதமாய் எடுத்துநின் றாடலாம் சிங்கி – அது
- ஏற்றவும் மாற்றவும் இணங்கி நின்றாடிப்பார் சிங்கா
61 தொகு
- மாற்றிப் பிடிக்க மருந்தென்ன சொல்லடி சிங்கி – அது
- மாளாமல் மாண்டு மறைந்து இருப்பதே சிங்கா
62 தொகு
- அட்டகசங்கள் அறிந்திட மெவ்விடம் சிங்கி – அது
- எட்டு விதமா யெழுதும் பலனடா சிங்கா
63 தொகு
- உற்றஞானப் பொருள் உத்தியாய்ச் சொன்னதார் சிங்கி – அது
- உத்தமர் பீருமுகம்ம துரைத்தது சிங்கா
முற்றும்