இப்பொழுது பல புத்தகங்கள் மெய்ப்புப் பார்க்கப்பட வேண்டியிருப்பதால் பல ஆர்வலர்களுக்கு எந்தப் புத்தகம் மெய்ப்புச் செய்ய வேண்டும் என்பது தெரியாமல் எதோ ஏதோ ஒரு புத்தகத்தில் சில பக்கங்களை மட்டும் மெய்ப்புச் செய்கின்றனர். இப்படிப் பலர் பல புத்தகங்களில் சில பக்கங்களை மட்டும் மெய்ப்புப் பார்ப்பதால் புத்தகங்களின் முழுமையான மெய்ப்பு முடிவடைய பல காலங்கள் ஆகும். பல புத்தகங்களில் சில பக்கங்கள் மட்டும் மெய்ப்புப் பார்க்கப்பட்டிருக்கும். இதனால் யாரும் புத்தகங்களைப் பயன்படுத்தமுடியாத நிலை ஏற்படும். அதனால் எந்தப் புத்தகம் முக்கியமாக மெய்ப்புப் பார்க்கப்பட வேண்டுமோ அந்தப் புத்தகத்தை "இந்த மாதத்தின் மெய்ப்புப் பார்க்க வேண்டிய புத்தகம்" என்று விக்கிமூலத்தின் முதல் பக்கத்தில் வைத்தால் பலர் ஈடுபட்டு விரைவாக முடிக்கப்படும். ஆங்கில விக்கிமூலத்தில் Proofread of the Month என்ற திட்டத்தின் மூலம் பல புத்தகங்களை வெற்றிகரமாக மெய்ப்புச் செய்துள்ளனர். மேலும் முதல் பக்கத்திலேயே இடம் பெறுவதால் புதிதாக விக்கிமூலத்திற்கு வருபவர்களுக்கு எதாவது மெய்ப்புப் பார்க்கலாம் என்ற எண்ணத்தைத் தூண்டும். எந்தெந்தப் புத்தகங்கள் இதில் வரவேண்டுமோ அதனை வாக்கெடுப்பு மூலம் முடிவு செய்யலாம்.
