62
அணியறுபது
ஈனமது அடையார்.இத்தை அடைந்தவர்; இறக்கும் அப்போது: ஏனும்ஈது அடைவார் என்னை எய்துவார் பிறவி எய்தார்.
சும்மா இருக்கச் சுகம்சுகம் என்று சுருதிஎல்லாம் அம்மா நிரந்தரம் சொல்லவும் கேட்டும் அறிவின்றியே
பெம்மான் மெளனி மொழியையும் தப்பிஎன் பேதைமையால்
வெம்மாயக் காட்டில் அலைந்தேன் இதுஎன் விதிவசமே.
இன்றுவரு மோநாளைக் கேவருமோ அல்லது மற்று
என்றுவரு மோஅறியேன் என்கோவே!-துன்றுமல
வெம்மாயை அற்று வெளிக்குள் வெளிகடந்து சும்மா இருக்கும் சுகம்.
சித்த சாந்தி எத்தகைய மகிமையுடையது: யார் அதனை அடைய வுரியவர்? அடைந்தவர் எப்படி இருப்பர்? என்பதை ஈண்டு அறிந்து கொள்கிறோம்.
18. பல்லுக் கணிவெண்மை; பார்வைக் கணிகூர்மை;
சொல்லுக் கணிதுய்மை தோய்ந்துவரல்;-இல்லுக்கு
நல்ல மனைவியணி; நன்மக்கள் அம்மனைக்குச்
செல்ல அணிகள் தெளி.
(கஅ)
வெண்மை பல்லுக்கு அழகு; கூர்மை பார்வைக்கு அழகு: தூய்மை சொல்லுக்கு அழகு; நல்ல மனைவி இல்லுக்கு அழகு; நன்மக்கள் அந்த மனைவிக்கு அழகு என்க. உரிய அழகுகள் அரிய ஒளிகள்.
ஐந்து அழகுகள் இங்கே சிந்தனைக்கு வந்துள்ளன. எழில் உடையன எங்கும் ஒளிபெறுகின்றன. உடல் உறுப்புக்களுள் பல் ஒர் இனமா யிணைந்து இயைந்-
