44
கோவேந்தன்
நாற்பது நாள் மருந்துகளைத் தந்தார்
நடுவழியில் பெற்றவரோ இழந்தார்;
பாற்கலந்து சாப்பிடணும்
பலன்தரும் நோய்க்கு என்பதை நினைந்தார்.
நாற்பது நாள் பாலருந்தி
நலம் அடைந்தார் மருந்தின்றிச் சிறந்தார்:
◯
ஆதாயமும் புகழும் போட்டி இட்டன
ஆள் பிடித்துக் கால்பிடித்துத் தொட்டன;
ஏதாகிலும் செய்து பிறர்
எள்ளிடினும் தன் மானத்தை விற்றன.
கோதானாலும் கொள்கை இல்லாக்
கூத்தாடியின் பரிசு-பட்டம் பெற்றன.
◯
வழியடைத்து வேலியிட்டான் குப்பன்
வலிந்து தாண்டிப் 'புதுக்கவிதை' அப்பன்,
குழிவிழுந்து, கால் இழந்து
கோலைக் கொண்டான்; வழிதிறந்தான் உப்பன்.
வழிவிடுத்து வேலி தாண்ட
வேறுவழி கண்டெழுந்தான் அப்பன்.
◯
கடவுள் நினைத்தால் சேவல் முட்டை இடுமாம்
கானும் முட்டை மிகப்பெரிய வடிவாம்.
கடனைக் கேட்டுச் சேவல் கொண்டு
கணக்கில்லாத கோயில் ஏறிப் படிவான்,
கடவுட்கே நேர்ந்து விட்டான்
கடவுட் பூசாரி வயிற்றுக்கு அது விடிவாம்!
