குறும்பா
53
தப்புக்கெல்லாம் புகலிடமாம் சேரன்
சாக்கடையாம் சமூகத்திலே வீரன்,
குப்பைக் கூள அரசியலில்
கொள்ளையடித்துக் கொடுத்துயர்ந்தான் ஓரன்!
இப்போது அவன் மக்கள் பணம்
இருகோடியில் உடல் தேற்றும் தீரன்!
◯
இளவழகன் பிறந்த ஊரோ கலவை
இன்று பல்கலைக் கழகத்திலே சலுகை
உளதாம் ஒரு சாதியினால்
உள்ளீடற்றும் இடம் பிடித்தான். செலவை
எளிதில் செய்யான் விருந்தழைப்பில்
இருப்பதெல்லாம் தின்னக்கேட்பான் பல கை!
◯
திரைப் படத்தில் நடிப்பதற்குச் சென்றான்
சிறந்த சண்டைக் களத்தில் கட்டிப் புரண்டான்:
உரைக்கவொணா எரிச்சலோடும்
உடம்பெலாம்புல் லரிக்கிறதே என்றான்.
திரைக்கதைஞன் ‘ஆகா’ எனச்
“சீச்சீ, தரைப் புல் அரிக்கிறது என்றான்!
◯
அதிகாரத்தின் இடங்கிடைத்தால் நோய்தான்
அருமை மக்கள் வாழ்வுனரா வாய்தான்,
குதிப் போடோங்கும் கீழாட்சிக்குக்
குடை பிடிக்கும்! மேலுயரப் பாய்தான்!
குறிக்கோளற்ற பாழாட்சியில் -
கோணலறிவு கொண்டவர்கள் நாய்தான்!
