இப்பக்கம் சரிபார்க்கப்பட்டது.
படிக்க வேண்டும் ஆண்பெண்!
படித்தால் உண்டாம் முக்கண்!
படிக்கச் சிறக்கும் வாழ்வு!
படியார் அடைவார் தாழ்வு! 1
வயலை விளைக்கப் படிப்பு!
வேண்டும்! செந்நெல் முடிப்புப்
பெயலே இல்லாப் போதும்
பெருகச் செய்யும் படிப்பு! 2
சின்னச் சின்னத் தொழிலைச்
செழிக்கச் செய்யும் படிப்பு!
பொன்னை அளிக்கும் படிப்பு!
புகழை அளிக்கும் படிப்பு! 3
வீட்டைத் துலக்கப் படிப்பு!
வீரம் செழிக்கப் படிப்பு!
நாட்டைத் துலக்கப் படிப்பு!
நாளும் வேண்டும் படிப்பு! 4
குழந்தை இலக்கியம் ♦ 105
