பக்கம்:1917 AD-மெய்யறம், வ உ சி.pdf/51

இப்பக்கம் சரிபார்க்கப்பட்டது.

அரசியல்.

௮௧-ம் அதி.–பொருள்.

விற்கத் தக்க விலையுடை யதுபொருள். ௮0௧
பொருளின் பறம்புகழ் பொருந்திடச் செய்யும். ௮0௨
பயனழ கருமையா லுயர்வஃ தடையும். ௮0௩
விலையிடம் பொழுதால் வேறுபா டுற்றிடும். ௮0௪
பொருண்மண் முதனாற் பூதங்கள் பிராணிகள்; ௮0௫
அவற்றினின் றாவன வாக்கப் படுவன. ௮0௬
உத்தம மவற்றுண் முத்தாதி மணிகளே; ௮0௭
வயிரமுதல் ரத்நமே பொன்முத லுலோகமே; ௮0௮
நவதா னியமே நன்மரஞ் செடிகளே; ௮0௯
உணவுடை யிலஞ்செல வணியமர்க் குரியவே. ௮௧0

௮௨-ம் அதி.–பொருட் சிறப்பு.

பொருளிற் சிறந்தது புகலவொன் றில்லை. ௮௧௧
அதுநினைத் தவையெலா மளிக்குந் திறத்தது; ௮௧௨
நீர்சூ ழுலகெலா மோர்நொடி யிற்றரும்; ௮௧௩
மன்னர்மன் னவரையுந் தன்னடி வீழ்த்தும்; ௮௧௪
அருளையு மெய்யையு மடைந்திடச் செய்யும். ௮௧௫
பொருளிலா ரின்பறம் புகழ்மெய் யிழப்பர்; ௮௧௬
மடையராய்த் தம்மரு நடையெலாம் விடுவர்; ௮௧௭
அடியராய்ச் சிறியரா யலக்கணுற் றுழல்வர்; ௮௧௮
பசியினும் பிணியினும் பட்டுழந் தழிவர்; ௮௧௯
பழியுளு நரகுளு மழியா துறைவர். ௮௨0


43