கலைக்களஞ்சியம்/அலிகனி மலைகள்

அலிகனி மலைகள்: வட அமெரிக்காவிலுள்ள அப்பலேச்சியன் தொடரின் ஒரு பகுதி. சராசரி 2,500 அடி உயரமுள்ளவை. மலைச் சரிவுகளில் காடுகளும் பள்ளத்தாக்குகளில் பயிர் நிலமும் காணப்படுகின்றன. பென்சில்வேனியாவிலும் மேற்கு வர்ஜினியாவிலும் நிலக்கரிச் சுரங்கங்கள் உள. அலிகனி, மனோஸ்கஹேலா, பொட்டாமக், ஷெனான்டோவா என்னும் ஆறுகள் இம்மலைகளில் உற்பத்தியாகின்றன.