கலைக்களஞ்சியம்/ஆஸ்திரலேசியா

ஆஸ்திரலேசியா: தென்கிழக்கு ஆசியாவிலிருந்து தென் கிழக்காகச் சென்றால் பசிபிக் சமுத்திரத்தில் காணப்படும் தீவுகளை இச்சொல் முன்பு குறித்தது. இப்போது இதில் ஆஸ்திரேலியா, நியூஜீலாந்து, மலேயாத் தீவுத்தொகுதி, பிலிப்பீன் தீவுகள், மெல்னீசியா, மைக்ரொனீசியா, பாலினீசியா என்பனவும் அடங்கும். ஹவாய் தீவுகளையும் அன்டார்க்டிக்காவையுங்கூட இதில் சேர்க்கிறார்கள்.