இப்பக்கம் மெய்ப்பு பார்க்கப்படவில்லை
17
களிற்றியானை நிரை
௪௫
- க0-உஉ. கல் என ஊர் எழுந்தன்ன உருகெழு செலவின் - கல்லென்னும் ஒலியுடன் ஓர் ஊரே எழுந்து செல்வதொக்கும் அச்சம் மிக்க செல்கையையுடைய, கொடுங்கோல் உமணர் - கொடிய கோல்களையுடைய உப்புவாணிகர், நீர் இல் அத்தத்து ஆரிடை- நீரற்ற காட்டின் அரிய இடங்களிலே, மடுத்த பகடு தெழி தெள்விளி - தடையுறும் கடாக்களை உரப்பியோட்டும் தெள்ளிய ஒலிகள், நெடும் பெரு குன்றத்து இமிழ் கொள இயம்பும் - நெடிய பெரிய மலையில் எதிரொலி உண்டாக வந்திசைப்பதும், கடுங்கதிர் திருகிய வேய்பயில் பிறங்கல் - கடுமை மிக்க ஞாயிற்றின் கதிர்கள் முறுகிய மூங்கில் அடர்ந்த பக்கமலைகளையுடையதும், பெருகளிறு உரிஞ்சிய மண் அரை யாத்து - பெரிய களிறுகள் உரிஞ்சியதால் சேற்று மண்ணைப் பொருந்திய அடியினை யுடைய யா மரங்களையுடைய, அருஞ் சுரக் கவலைய அதர்படு மருங்கின் - அரிய சுரத்தே கவர்த்த நெறிகள் பொருந்திய பக்கங்களில், நீள் அரை இலவத்து ஊழ்கழி பல்மலர் - நீண்ட அடியினையுடைய இலவ மரத்தின் முதிர்ச்சி மிக்க பலவாய பூக்கள், விழவு தலைக் கொண்ட பழவிறல் முது ஊர் - விழாக்களைத் தன்னிடத்தே கொண்ட பழைய வெற்றியைக் கொண்ட முதிய ஊரில், நெய் உமிழ் சுடரில் - நெய்யைப் பெய்த விளக்கின் சுடர் விழுவதுபோல விழும்படி, கால்பொரச் சில்கி - காற்றுப் பொருத லால் எஞ்சியவை சிலவாகி, வைகுறு மீனில் தோன்றும் - விடிகின்ற காலத்து மீன் போலச் சிலவாய்த் தோன்றுவதுமாகிய, மைபடு மா மலை விலங்கிய சுரன் - மேகங்கள் பொருந்திய பெரிய மலைகள் குறுக் கிட்டு நிற்கும் சுரநெறியினில்,
- அ--க0. செல்ல - செல்லுதற்கு, நொதுமலாளன் நெஞ்சு அறப்பெற்ற- ஏதிலாளனது நெஞ்சு தனக்கே யுரித்தாகப் பெற்ற, என் சிறு முதுக்குறைவி - எனது சிறிய மூதறிவுடைய அவளது, சிலம்பு ஆர் சீறடி தாம்-சிலம்பு பொருந்திய சிறிய அடிகள், வல்லகொல்-வல்லுநவோ?
- (முடிபு) என் சிறு முதுக் குறைவியாய -என் மகள், முன்பு பந்து சிறிது எறியினும் கழங்கு ஆடினும் அசைஇ முயங்கினள் வதியும். இனி அவள் சிலம்பு ஆர் சீறடி தந்தை அருங்கடி நீவி, மலை விலங்கிய சுரன் செல்லவல்ல கொல்.
- உருகெழு செலவின் உமணர் எனவும், ஆரிடை. மடுத்த பகடு எனவும் கூட்டுக. தெள்விளி இயம்பும் மலை எனவும், பிறங்கலையுடைய மலையெனவும், பன்மலர் சில்கித் தோன்றும் மலை யெனவும் இயையும்.
- (வி - ரை.) மன் கழிவின் கண் வந்தது. நெடுமொழி - புகழ் ; வஞ் சினமுமாம். அறப்பெறுதல் - உரித்தாகப் பெறுதல் ; ' தன்னுயிர் தானறப் பெற்றானை' (உ௬அ) என்றார் திருவள்ளுவரும். சிறுமுதுக் குறைவி - இளமையிலே அறிவு முதிர்ந்தவள் ; 1'சிறுமுதுக்குறைவிக்குச் சிறுமையுஞ் செய்தேன்' என்றார் இளங்கோவடிகளும். உமணர்
1. சிலப், கசு : சுஅ,
