மணி: இந்தாப்பா. (போடுதல்)
பிச்: சாமி இது ஒரு ரூபாயிங்க.
மணி: தெரியுமப்பா இதை வச்சுக்க-இன்னும் நூறுபேர் கிட்டேபோய் பிச்சையினு கேட்காமே இன்னிக்கு பொழுதை நிம்மதியாக கழிச்சுக்கோ.
ஆனந்: மணி, உனக்கு தங்கமான மனசு.
மணி: சரி,வா கூல்ட்டிரிங் சாப்பிட்டு போகலாம்.
ஆனந்: ஐயோ நான் இன்றைக்கு விரதமாச்சேயப்பா.
மணி: பைத்தியக்காரன். உழைக்கிறான் மாடுபோல. சம்பாதிக்கிற காசையெல்லாம் கற்பூரமாக வாங்கி கொளுத்துகிறான். (சிகரெட் பிடித்தல்) தூப தீப நைவேத்திய சமர்ப்பியாமி.
காட்சி 12
இருப்போர்:—வேதாசலம், முருகன், சொக்கன்,
வேதா: என்னப்பா விசேஷம் இன்றைக்கு கோவிலிலே.
முருகன்: ஒன்றுமில்லீங்க அந்த குளத்தங்கரை பாசானம் இருக்குதில்லீங்க.......
வேதா: எது; கார்மேகம் தரவேண்டிய கடனுக்கு விட்டுப் போனதுதானே.
முரு: ஆமாங்க. அது நம்ப கையிலே வந்ததும், விளைச்சல் அதிகமாகயிருந்ததுங்க இந்த வருஷம் அதனாலேதான், காளிக்கு ஒரு அபிஷேகம் செய்து வைச்சேனுங்க,
வே: அவசியம் செய்யவேண்டியதுதான். முருகா முனியாண்டி தரவேண்டிய பாக்கிக்கு என்ன சொன்னான்?
முரு: அவன் பெண்ஜாதி மலேரியாவில் படுத்து மூன்று மாசம் ரொம்ப கஷ்டப்படுகிறாளுங்க பாவம்.
197
