இப்பக்கம் மெய்ப்பு பார்க்கப்பட்டுள்ளது
108
- கற்பவை உள்ளத்தால் நிலைத்து நிற்கும். நினைவுப் பயிற்சி, நினைவுக் குறிப்புகள் மூலம் மறதியைப் போக்கலாம்.
26.நினைவாற்றல் என்றால் என்ன?
- பழைய பட்டறிவுகளைப் புது நிலைகளில் பயன்படுத்தும் திறன். கற்றல் நினைவிலிருத்தல், நினைவு கூரல், நினைவுணர்தல் ஆகியவை இதில் அடங்கும். நினைவாற்றலும் உள்ளத்தின் ஒர் இயல்பு.
27.மிகை நினைவாற்றல் என்றால் என்ன?
- நினைவாற்றலை மிகைப்படுத்துதல். பழங்காலப் பட்டறிவின் நுணுக்கமான விவரங்களும் இதில் அடங்கும். அதிர்ச்சிக்குப்பின் உடல் நலம் குன்றுபவர் களுக்கு ஏற்படுவது.
28.நினைவு கூர்தல் குறை என்றால் என்ன?
- பொருள்களைப் பெயரிடவும் நினைவுகூர இயலாத நிலை.
29.நினைவிலிருத்தல் என்றால் என்ன?
- பெற்ற செய்தியினை மறைநிலையில் நீண்ட காலம் இருத்தி வைத்தல்.
30.இதை எவ்வாறு மதிப்பிடலாம்?
- மீளாக்கம், நினைவுணரல், மீண்டும் மீண்டும் செய்தல் ஆகிய நினைவுக் குறிப்புகள் தொடர்பான செயல்களை உற்றுநோக்கி இதனை மதிப்பிட வேண்டும். இது செறிவாக இருந்தால்தான், கற்றலும் செறிவாக இருக்கும்.
31.இயல்பூக்கம் என்றால் என்ன?
- இயல்பாக உயிர்களிடம் அமைந்துள்ள சிக்கலான நடத்தைக் கோலம். ஆக்க ஊக்கம், ஆராய்வூக்கம், ஈட்ட ஊக்கம், குழு ஊக்கம், வியப்பூக்கம் என இது பலவகை.
32.நுண்ணறிவு ஆய்வுகள் என்பவை யாவை?
- ஒரு கற்கும் திறமையை ஆய்ந்து பார்க்கும் ஆய்வுகள்.
33.நுண்ணுணர்வின்மை என்றால் என்ன?
- புலன் உணர்வை அறிவதில் குளறுபடி.
