இப்பக்கம் மெய்ப்பு பார்க்கப்பட்டுள்ளது
65
- மயக்கம் இருக்கும்.
- 6. சிறுநீர் பிரியாது.
110. இதய அழற்சி என்றால் என்ன?
- இதயத் தசை வீங்குதல்.
111. இதய வெளியுறை அழற்சி என்றால் என்ன?
- இதய வெளியுறை வீங்குதல்.
112. இதய உள்ளுறை அழற்சி என்றால் என்ன?
- இதய உள்ளுறை வீங்குதல்.
113. நெஞ்செரிச்சல் என்றால் என்ன?
- தொண்டைக்கு அடியில் எரியும் உணர்வு இருத்தல். இரைப்பையில் காடி எதிர்க்களித்தலால் இது உண்டாவது.
114. இதய மீச்சோர்வு என்றால் என்ன?
- பெரும் வெப்பத்தினால் உண்டாவது. இப்பொழுது விரைந்த நாடித்துடிப்பு, வயிற்றில் பிடிப்பு, மூச்சுத் திணறல் ஆகியவை இருக்கும். அதிகம் வியர்ப்பதாலும் சோடியம் குளோரைடு இழப்பாலும் இவை ஏற்படும்.
115. இதயத்தசை நசிவு என்றால் என்ன?
- குருதி வழங்கல், இதயத்தசை உறைப் பகுதிக்கு கடுமையாகக் குறைதல், தமனி அடைப்பு, திராம்பின் உண்டாதல் முதலிய காரணிகளால் இந்நிலை ஏற்பட்டுத் தசையுறை அணுக்கள் இறப்பதால், இறப்புப் பகுதி தோன்றும்.
116. இதயத் தசைச் சோகை என்றால் என்ன?
- குருதிக்குழாய்ச் சுருக்கத்தினால் தசை உறையின் ஒரு பகுதிக்குக் குருதி செல்வதில் குறைவு உண்டாதல்.
117. இதய அடைப்பு (heart block) என்றால் என்ன?
- இதயத் துண்டலில் உண்டாகும் கடத்தல் பழுதுபடுதல். இது இதய இட வலஅறை அடைப்பையே குறிக்கும்.
118. குருதிச்சோகை என்றால் என்ன?
- குருதியில் இரும்புச்சத்து குறைவால் ஏற்படும் நோய் நிலைமை. முகம் வெளிறிய நிலை, சோர்வு ஆகியவை இதன் அறிகுறிகள்.
119. குருதி உறையாமை என்றால் என்ன?
ம.5.
