இப்பக்கம் மெய்ப்பு பார்க்கப்பட்டுள்ளது
52
உண்டாகும் துடிப்பு.
81. இதன் எண்ணிக்கை என்ன? எங்கு உணரலாம்?
- 72. மணிக்கட்டிலும் கணுக்காலிலும் உணரலாம். மருத்துவர் வசதி கருதிப்பயன்படுத்துவது மணிக்கட்டையே.
82. இதய வரைவு என்றால் என்ன?
- இதயத்துடிப்புகளை விரிவுகளாகக் காட்டும் வரைபடம்.
83. இதய வரைவி என்றால் என்ன?
- இதய அலை இயக்கத்தை வரைபடமாகப் பதிவு செய்யுங் கருவி
3. நிணநீர் மண்டலம்
84. நிணநீர் என்பது என்ன?
- சிவப்பணு நீங்கிய குருதி. வெளிர்ப் பாய்மம். கொழுப்பு முண்டுகளால் உண்டாக்கப்படுவது. உடல் பாதுகாப்பிற்குப் பயன்படுவது.
85. நிணநீர் மண்டலத்திலுள்ள உறுப்புகள் யாவை?
- நுண்ணிகள், குழாய்கள், முண்டுகள், நிணநீர்ச் சுரப்பிகள் ஆகியவை.
86. நிணநீர் ஓட்டம் எவ்வாறு ஏற்படுகிறது.
- தசை அசைவுகளாலும் மூச்சு அசைவுகளாலும் நிணநீர் ஓட்டம் நடைபெறுகிறது.
87. நிணநீர் மண்டலத்தின் வேலைகள் யாவை?
- 1. ஊட்டப்பொருள்களையும் உயிர்வளியையும் திகக்களுக்களித்தல்.
- 2. திசுக்கள் உண்டாகும் கழிவுகளை மீண்டும் குருதியோடு சேர்த்தல்.
- 3. உயிரணுக்களுக்கிடையே நிரம்பி அவற்றை உயிர் வாழச் செய்தல்.
- 4. குடற் பால் குழலில் தங்கிக் கொழுப்பை உறிஞ்சுதல்.
- 5. இதிலுள்ள வெள்ளணுக்கள் நோய் நுண்ணங்களைக் கொல்லுதல்.
