இப்பக்கம் மெய்ப்பு பார்க்கப்பட்டுள்ளது
57
விரியும். வட்டநார்கள் சுருங்கும்பொழுது துளை சுருங்கும். காட்டாகக் கண்மணி சுருங்கி விரிவதைக் கருவிழிப் படலத்தசை கட்டுப்படுத்துகிறது.
125. தசையின் வேலைகள் யாவை?
- உடல் இயக்கம், நிலைப்பு, உடல் உருவம் ஆகியவற்றிற்கு இவையே காரணமாகும்.
126. நம் உடலிலுள்ள தசைகள் எத்தனை?
- தசைகள் 400.
127. தசை நலிவு என்றால் என்ன?
- வைட்டமின் E குறைவதால் தசையின் இயக்கம் குறைதல்.
128. இரு தலைத் தசை என்றால் என்ன?
- ஓர் இயக்குத்தசை, நடுவில் பருத்தும் முனைகளில் குறுகியும் இருக்கும். மேற்கை எலும்பில் உள்ளது. இது சுருங்கும்பொழுது முன்கை மடங்குகிறது.
129. இதற்கு இப்பெயர் வரக் காரணம் என்ன?
- இரு தசைநாண் உள்ளதால் இப்பெயர்.
130. நீட்டுதசை (விரிதசை) என்றால் என்ன?
- முன் கையை நீட்ட உதவும் முத்தலைத்தசை
131. மடக்குதசை என்றால் என்ன?
- முன்னங்காலை மடக்கப் பயன்படும் இருதலைத்தசை.
132. கெண்டைக்கால் தசை என்றால் என்ன?
- இது ஓர் இயக்குத்தசை இதிலிருந்து குதிகாலோடு சேரும் தசைநாண் அச்சில்லஸ் தசைநாண் எனப்படும். இத்தசை நடத்தல், ஓடுதல், குதித்தல், நிற்றல் முதலிய இயக்கங்களுக்கு முதன்மையானது.
133. நாத்தலைத்தசை என்பது யாது?
- முதுகு எலும்பு விலங்குகளின் தொடைத்தசை. கால்வரை நீளுவது.
134. தசைப்பிடிப்பு என்றால் என்ன?
- தசையின் குறிப்பிட்ட பகுதியில் ஏற்படும் வலிதரும் சுருக்கம். உடற்பயிற்சியின் பொழுது ஏற்படுவது. தசையை நீட்டி இதைப் போக்கலாம்.
135. குறுக்குத்தட்டம் (உதரவிதானம்) என்றால் என்ன?