இப்பக்கம் மெய்ப்பு பார்க்கப்பட்டுள்ளது
79
கொழுப்பு நீர்ச் சுரப்பிகள். இவை பருக்கும் பொழுது கேட்டலும், மூச்சுவிடுதலும் கடினமாக இருக்கும்.
322. ஒரு பொருளின் மணத்தை உணர்வதற்கு அது எந்நிலையில் இருக்க வேண்டும்?
- வளி நிலையில் இருக்க வேண்டும். இதை முகர் நரம்பு மூளைக்குத் தெரிவிக்கிறது.
323. நாக்கு எவற்றின் மூலம் சுவையை அறிகிறது?
- சுவை நரம்புகள் மூலம் அறிகிறது.
324. ஒரு பொருளின் சுவையை அறிய அது எந்நிலையில் இருக்க வேண்டும்?
- நீர்மநிலையில் அதாவது கரைசல் நிலையில் இருக்க வேண்டும். சுவை நரம்புகள் சுவையை மூளைக்குத் தெரிவிக்கின்றன.
325. நாக்கு அறியும் பல சுவைகள் யாவை?
- நாக்கின் நுனி இனிப்பையும், அடி கசப்பையும், பக்கங் கள் புளிப்பையும் உணர்கின்றன. உவர்ப்பையும் துவர்ப்பையும் எல்லாச் சுவையரும்புகளும் உணர்கின்றன.
9. உணவும் ஊட்டமும்
1. வைட்டமின்கள்
1. வைட்டமின்களைக் கண்டறிந்தவர் யார்? எப்பொழுது?
- ஹாப்கின்ஸ் 1906 இல் கண்டறிந்தார்.
2. வைட்டமின்கள் என்றால் என்ன?
- இவை அரிய கரிமச் சேர்மங்கள், உயிரியல் வினை ஊக்கிகள். உணவில் சிறு அளவில் இருந்து பெரும் மாற்றங்களை உண்டாக்குபவை.
3. வைட்டமின் A இன் சிறப்பென்ன?
- கொழுப்பில் கரைவது. இது கரோட்டின் வழிப்பொருள்.
4. இதன் இரு வகைகள் யாவை?