இப்பக்கம் மெய்ப்பு பார்க்கப்படவில்லை
சிற்றருவி - குழந்தையர் பாடல்
47
என்றும் இருந்த தில்லை
'வேண்டும்' என்று நாங்கள், வேண்டு முன்னர் அவரே வேண்டு கின்ற வற்றை
விரும்பி விரும்பிச் செய்வார்!
அம்மா என்றால் அம்மா;
அருமை ஆசான் அம்மா;
கொம்புத் தேனைப் போலக்,
குளிரப் பேசும் அம்மா!
வம்பு செய்த போதும்
வன்மை காட்டா அம்மா;
தெம்பு மிக்க அம்மா;
தெய்வ மான அம்மா.
76. அண்ணன்
எங்கள் அருமை அண்ணன்,
என்றும் இனிய அண்ணன்;
தங்கை தம்பி மாரைத்
தாங்கிக் காக்கும் அண்ணன்!
அப்பா அம்மா இருவர்
ஆன ஒருவர் அண்ணன்;
தப்பா சரியா சொல்லித்
தட்டிக் கொடுக்கும் அண்ணன்
அடித்த லில்லா அண்ணன்;
அன்பு வடிவாம் அண்ணன்;
படிப்பில் புலியாம் அண்ணன்;
பண்பில் உயர்ந்த அண்ணன்.
சொல்லும் செயலும் ஒன்றாய்ச்
சுடரும் எங்கள் அண்ணன்;
கல்லும் கனிய வைக்கும்