18
இளைஞர் வானொலி
பியில் ஒரு குறிப்பிட்ட புள்ளியில் வினாடியொன்றுக்கு 3,000,000,000,000,000,000 மின்னணுக்கள் சென்றுகொண்டிருக்கின்றன!
படம் 6. கம்பியில் செல்லும் மின்னோட்டத்தைக் காட்டுவது.
ஒரு தாமிரக்கம்பியில் மின்னணுக்கள் “ தாமாகவே ” பாய்ந்து செல்லுவதில்லை. ஒரு மின்னாக்கப் பொறியினாலோ (dynamo) அல்லது ஒரு மின்கல அடுக்கினைக் கொண்டோ கம்பியின் ஒரு பக்கத்தில் மின்னணுக்களின் “அழுத்தம்” ஏற்படுகின்றது. ஒரு மின்கலத்துடன் இணைக்கப் பெற்றுள்ள கம்பியில் எதிர் - மின்முனையில் மித மிஞ்சிய மின்னணுக்களும் நேர்- மின்முனையில் குறைவான மின்னணுக்களும் இருக்கின்றன. ஆகவே, எதிர் - மின்முனையிலிருந்து நேர்-மின் முனையை நோக்கி மின்னணுக்கள் நகர்கின்றன. இதனைத்தான் நாம் மின்னோட்டம் (electric -current) என்று வழங்குகின்றோம்.
மின்கலத்தினின்று, அல்லது மின்னாக்கப் பொறியினின்று மின்னணுக்கள் வெளிவந்த
