103
நேரத்திற்கு ஏற்ப, வசதிக்கு ஏற்ப, பங்கு பெறுபவர் களுக்கு ஏற்ப, வயது வித்தியாசத்திற்கு ஏற்ப, விளையாட்டை அமைத்துக் கொண்டு, மகிழ்ச்சி பொங்க ஆடுவது தான், சிறுவிளையாட்டுக்களின் சிறப்புத் தன்மையாகும்.
சிறு விளையாட்டுக்களின் பிரிவுகள்
1. ஓடிவிளையாடும் ஆட்டம் (Running game)
2. ஓடித்தொடும் ஆட்டம் (Tag game)
3. சாதாரண பந்தாட்டம் (Simple ball games)
4. தொடர் விளையாட்டுக்கள் (Relays)
5. சாகசச் செயல்கள் (Stunts)
சிறு விளையாட்டைக் கற்பிக்கும் முறைகள்
1. விளையாட்டுக்கு ஏற்ப, மாணவர்களை பிரித்துக் கொள்ள வேண்டும்.
2. சில மாணவர்களை ஆடச் சொல்லி, மாதிரி காட்ட வேண்டும்.
3. மாணவர்களை திறமை வாரியாக குழுவாக்கிட வேண்டும்.
4. விளையாட்டில் பங்கு பெற இயலாதவர்களை, ஆட்டத்தைக் கண்காணித்து நடத்தும் பொறுப்பை அளிக்க வேண்டும்.
5. பங்கு பெறுபவர் ஆர்வம் காட்டி விளையாடுகிற வரையில், ஆட்டத்தைத் தொடர வேண்டும்.
அதாவது, ஆட்டத்தில் சுவாரசியம் குறைவதற்குள். ஆட்டத்தை நிறுத்திவிட வேண்டும்.
