38
38 இந்தப் போக்கு வெற்றி பெற விடமாட்டோம் எலி மாணவர்கள் உறுதியுடன் நிற்பதனை அறிந்திருக்கின்றேன் மொழிப்பற்றின் எடுத்துக் காட்டாகத் திகழுப் மாணவர்கட்கு எனது பாராட்டுதலைத் தெரிவித்துக் கொள்கிறேன். அதேபோது, மொழிப் பிரச்சினையிலேயுள்ள சிக்கல்களை, புகுத்தப்பட்டுள்ள சிக்கல்களை, நீக்குவதற்கான முயற்சிகளை மொழிப் பற்றிலே முழு நம்பிக்கை கொண்டுள்ள தமிழக அரசிடம் ஒப்படைக்க வேண்டும் நம்பிக்கையுடன், என்று கேட்டுக் கொள்கிறேன். பல்கலைக்கழகத்தில் பயிலும்காலை வாழ்க்கையின் நீண்ட பெரும்பயணத்திலே, இது பாசறைப்பருவம் என்ற உணர் வுடன் இருந்திடுவதே முறையாகும். பட்டம் பெற்றிடும் நண்பர்களே! உம்மிடம் நாடு நிரம்ப எதிர்பார்த்த வண்ணமிருப்பதனை அறிந்து, அதற் கேற்ப உமது செயல்முறைகளை வகுத்துக்கொள்ள வேண்டு மெனக் கேட்டுக்கொள்கிறேன். இம்மாமதுரையினின்றும் புறப்பட்ட படைகள். மாநிலம் மெச்சிடும் வெற்றிகளை, முடி.மன்னர் நாட்களிலே பெற்றளித்தன என்று வரலாறு கூறுகிறது. இன்று புறப்படும் படை அறிவுப்படை! இப்பல்கலைக் கழகத்தினின்றும் அமைந்து வெளிக்கிளம்பும் முதற்படை இதனை வாழ்த்தி, வரவேற்று பாராட்டி, "சென்று வருக; வென்று வருக! எனக் கூறிடும் வாய்ப்பு எனக்குக் கிடைத்ததில் நான் உள்ளபடி பெருமிதம் கொள்கிறேன்;
