56 ♦ அறிஞர் அண்ணா
உச்சிப் பொது வந்தது கண்டும், சளைக்காமல் உழுது கொண்டிருக்கும் உழவன்-அவனும்.....
பல தொழில்களிலே ஈடுபட்டுப் பொருள்களை உற்பத்தி செய்கின்றானே. பாட்டாளி-அவனும்....
சிறார்க்கும் சிறுமியர்க்கும் அறிவுக் கண்களைத்திறந்து வைத்திடும் ஆசிரியர்கள் உள்ளனரே அவர்களும்....
நலிவு நீங்கிடத் தொண்டாற்றுகின்றனரே மருத்துவத் துறையினர்-அவர்களும்
காட்டு வெள்ளத்தை அடக்கி, நீர் வளம் கொண்டு, நிலவளம் பெருக்கி, ஊர் அமைத்துத் தருகின்றனரே, பொறியியல் துறையினர்-அவர்களும்..
நாட்டு நிர்வாகத்திற்கான பல்வேறு துறைகளிலே பணியாற்றுகின்றனரே அலுவலர்கள்-அவர்களும்... இவர்களின் திறமையிலும், செயலார்வத்திலும், வெற்றியிலும் தான் இருக்கிறது-சுதந்திரத்தின் சோபிதம்-விடுதலையின் விளைவு.
இவர்கள்தான் சுதந்திரத்தின். காவலர்கள்! அவர்களுக்கு என் வணக்கம்!
(சுதந்திர தினவிழா வானொலிச் சிறப்புரையில்)
21. பணிகள் ஆற்றவே பதவி
தொழில்கள் எப்படி வளம் பெறும் என்பது, நாட்டிலே அமுலாக இருக்கும் அய்ந்தாண்டுத் திட்டத்தைப் பொறுத்தது; ஆனால் அய்ந்தாண்டுத் திட்டம் எப்படி அமையுமென்பது மத்திய அரசிடம் இருக்கின்றது.
மத்திய அரசிடம் போராடி-வாதாடித்தான் திட்டங்களைப் பெற வேண்டுமானால், நாங்கள் அதற்குத் தயாராய் இருக்கிறோம்!
