பக்கம்:என்ன-ஏன்-எப்படி.pdf/10

4

என்ன? ஏன்? எப்படி?

	வன்முறைகளைத் தூண்டி விடுவதற்கென்றே சில பேர் வழிகள் இருக்கிறார்கள். இவர்கள் எந்தக் கட்சி இயக்கம் நடத்தினாலும், அதை நடத்துபவர்கள் அறியாமலே வன்முறை இயக்கமாக மாற்ற வல்லவர்கள்!
•	நமது மாநகராட்சிப் பள்ளிக் கூடங்கள் எப்படி யிருக்கின்றன?
◯	மற்ற பள்ளி ஆசிரியர்களைவிட மாநகராட்சிப் பள்ளி ஆசிரியர்கள் கூடுதலான சம்பளம் வாங்குகிறார்கள். மற்ற பள்ளி மாணவர்களைவிட, மாநகராட்சிப் பள்ளி மாணவர்கள் குறைவான மதிப்பெண் வாங்குகிறார்கள்! மாநகராட்சி அதிகாரிகள் இதைப்பற்றி தீவிரமாக சிந்திக்காவிட்டால், வருங்காலக் குடிமக்கள் பயங்கரமாக இருப்பார்கள்.
•	இந்திரா காந்தியின் எட்டாண்டு கால ஆட்சியில் என்ன பெருகியிருக்கிறது?
◯	இந்தியா அயல் நாடுகளுக்குக் கொடுக்க வேண்டிய கடன் பெருகியிருக்கிறது. பல மாநிலங்களில் பஞ்சம் பெருகியிருக்கிறது. இந்தியா முழுவதும் விலைவாசி பெருகியிருக்கிறது. ஏழைகளின் எண்ணிக்கை பெருகியிருக்கிறது. ஊழல்களும் கருப்பு வாணிபமும் ஓங்கியிருக்கிறது.
•	ஒரு நடிகரைப் பாவேந்தர் பாரதிதாசன் வள்ளல் என்று பாடியிருக்கிறாராமே?
◯	கொடுக்கிலாதானைப் பாரியே என்று பாடினும் கொடுப்பாரிலையே என்று நூறாண்டுகளுக்கு முன்னரே ஒரு புலவன் நைந்து பாடினான். அதைப் படித்திருந்தும் பாவேந்தர் ஒரு நடிகரை இவ்வாறு பாடினார். பயன் ஒன்றுமில்லை.