பக்கம்:என்ன-ஏன்-எப்படி.pdf/12

6

என்ன? ஏன்? எப்படி?

◯	அடுத்தவர் நீங்கள் தான். யாரோ அதிகாரியைச்சந்திக்கச் சென்றிருக்கிறீர்கள், அவர் உங்களுக்கு அறிமுகமாகாதவர். உங்களுக்கு முன் பேசிக் கொண்டிருந்தவர் அதிகாரிக்கு வேண்டியவர். உண்மைதானே?
•	திருட்டு எப்போது ஒழியும்?
◯	யாருக்கும் தனிப்பட்ட சொத்து என்பது இல்லாதபோது திருட்டுத் தானாகவே ஒழிந்து விடும்.
•	கடத்தல்காரர்களை வேட்டையாடுவதன் மூலம் இந்திரா அரசு மக்களிடையே செல்வாக்குப் பெற்று வருகிறதல்லவா?
◯	பயிற்றுப் பசியோடு இருப்பவனுக்கு மர்மக்கதைகள் அமைதியளிக்க முடியாது, மக்கள் பசியைத் தீர்க்க இந்திரா காந்தியால் முடியவில்லை. வெறும் நாடகங்கள் ஆடி நிலைமையைச் சீர்திருத்த முடியாது. முதலில் நமக்குப் பசி போக்கும் அரசு அமைய வேண்டும்; வேடிக்கை காட்டும் அரசுவேண்டாம் என்றுதான் மக்கள் எண்ணுகிறார்கள்.
•	முற்போக்குக் கருத்துக்களை மேடைகளில் முழங்கும் சிலர் வீட்டில் பிற்போக்கு வாதிகளாய்க் காட்சியளிக்கிறார்களே?
◯	வேடத்திற்குத் தகுந்த வசனம் பேசித்தானே நடிக்க வேண்டும். உலகம் ஒரு நாடகமேடை. இதில் சிலர் ஒரே வேடத்தில் வருகிறார்கள். சிலர் இரண்டு வேடம் கட்டிக் கொள்ளுகிறார்கள்.
•	தாங்கிப் பிழைப்பவர்களைப் பற்றி நீங்கள் என்ன கருதுகிறீர்கள்?
◯	தாக்கிப் பிழைப்பவர்களை விடச் சிறந்தவர்கள் என்றுகிறேன். உயர் நிலையில் உள்ளவர்களின் சிறந்த செயல்