பக்கம்:என்ன-ஏன்-எப்படி.pdf/21

அரசியல்

11

•	கல்லூரி மாணவர்கள் வயது வந்தவர்கள் அவர்களுக்கு அரசியலில் ஈடுபட உரிமை உண்டல்லவா?
◯	உரிமைகளைப் பயன்படுத்துவதற்கும் ஓர் ஒழுங்கு வேண்டும், மாணவர்களுக்குப் படிக்கும் கடமையொன்று இருக்கிறது. அந்தக் கடமை முடியும் வரை அவர்கள் அரசியலில் ஈடுபடாமல் இருப்பது அவர்களுக்கும் நன்மை: நாட்டுக்கும் நன்மை.
•	இளைஞர்கள் அரசியலில் ஈடுபடுவது தவறா?
◯	இன்றைய இளைஞர்களின் கையில் எதிர்காலம் இருக்கிறது. ஆனால், அந்த எதிர் காலத்திற்குத் தங்களைத்தகுதிப் படுத்திக் கொள்ளாமல், தற்கால வெள்ளத்தில் அகப்பட்டு அடித்துச் செல்லப்படுகிறார்களே என நினைக்கும் போதுதான் துயரமிகுகின்றது.
•	இலங்கை உலகத் தமிழ் மாநாட்டில், போலீசார் அக்கிரமம் செய்திருக்கிறார்களே!
◯	சிங்கள அரசியல் வாதிகள் தமிழர்களை வெறுக்கிறார்கள். இதற்குக் காரணம், தமிழர்கள் எளிதில் அகற்றக்கூடிய அயல் நாட்டாராக இல்லாமல் சிங்கள நாட்டுரிமை யுடையவர்களாய் இருப்பது தான். வீண்வெறியால் சிங்களவர்கள் தமிழ் மக்களுக்கு இழைத்துவரும் தீமை களிலே இது ஒருவகை.
•	மாநில சுயாட்சி வேண்டும் என்று கேட்கிறார்களே, இதை யார் கொடுப்பது?
◯	மாநில சுயாட்சியைக் கொடுப்பது தனிப்பட்ட மனிதர் எவருமல்லர், இந்தியப் பாராளுமன்றத்தில் மாநில சுயாட்சித் திட்டங்கள் சட்டமாக்கப்பெற வேண்டும். சட்டம் நிறைவேறி விட்டால், மாநில சுயாட்சி வந்து விடும்.