பக்கம்:என்ன-ஏன்-எப்படி.pdf/25

அரசியல்

19

◯	அது அவர்கள் குற்றமல்ல, அவ்வாறு செயலாற்றும் வாய்ப்பை ஏற்படுத்துகின்ற கலகக்காரர்களின் குற்றமே! போலீஸ்காரர்களைக் கண்டிப்பதைவிடக் கலகக்காரர் களைக் தண்டிப்பதிலேயே நம் கவனம் செலுத்தப்பட வேண்டும்.
•	பணம், புகழ், பதவி மூன்றையும் ஒன்றாகப் பெற ஒரு வழி கூறுங்கள்.
◯	அரசியலில் ஈடுபடுங்கள். தீவிர அரசியல்வாதியாகுங்கள். மேலும் பணம் சேர்க்க அடிக்கடி கட்சிமாறுங்கள். நம் நாட்டில் இப்படித் தான் விதி எழுதப்பட்டிருக்கிறது.
•	நூறு ரூபாய் நோட்டைச் செல்லாது என்று அறிவித்தால், கள்ளப் பணத்தை ஒழித்துவிடலாமென்று சொல்லுகிறார்களே?
◯	பத்து ரூபாய் நோட்டை பதுக்கி வைத்திருப்பவர்கள் இவ்வாறு சொன்னால், கள்ளப் பணம் எவ்வாறு ஒழியும்? மக்கள் வசதிதான் குறையும்.
•	மண்ணுக்குரிய மைந்தர்கள் என்ற முறை பற்றி என்ன நினைக்கிறீர்கள்?
◯	வெறுப்புக்குரிய முறை! வெறுப்பிலே பிறந்து வெறுப்பிலே வளர்ந்து வெறுப்பிலே வெடிக்கும் கேடு கெட்ட முறை. பிற மாநில அரசுகள் இம் முறையைப் பின் பற்றுவதால், தமிழக அரசும் பின்பற்ற வேண்டிய சூழ்நிலை உருவாகியிருக்கிறது.
•	புதிது புதிதாகத் தோன்றும் கட்சிகளைப் பற்றி என்ன நினைக்சிறீர்கள்?
◯	இது நம் நாட்டைப் பிடித்த நோய். கட்சிகள் தோன்றித் தோன்றி தம் நாடு குட்டிச் சுவராகிக் கொண்டு வரு-