பக்கம்:எம். கே. டி. பாகவதர் கதை.pdf/179

176 நடித்த அசோக்குமார் என்று விளம்பரம் செய்கிறார்கள். இது பாகவதருடைய சகோதரர்களின் மனத்தையும், ரசிகர்களின் மனத்தையும் எவ்வளவு தூரம் புண்படுத்துகிறது என்பதை நான் அறிவேன். அவருடைய சகோதரதர்களில் ஒருவரான திரு. சண்முகம் ஒரு சமயம் இதுகுறித்துச் சொன்னார்: ‘'எத்தனையோ வகைகளில் சிறந்து விளங்கும் எம்.ஜி.ஆர். இதை எப்படி அனுமதிக்கிறார் என்று எனக்குத் தெரியவில்லை!" நான் சொன்னேன்: "அவருக்கு இது தெரிந்திருக்காது; தெரிந்திருந்தால் நிச்சயம் அனுமதித்திருக்கமாட்டார்.' ஆம், பிறருடைய புகழில் பங்குபெறும் விரும்பத் தகாத எண்ணம் வேறு யாருக்காவது இருக்கலாம்; 'பொன் மனச்செம்மலான எம்.ஜி.ஆருக்கு இருக்க முடியா தல்லவா? 'அசோக்குமாரில் பாகவதரால் பாடப்பட்டுப் பிரபலமான பாடல்களில் ஒன்று 'பூமியில் மானிட ஜென்மம் எடுத்தும் ஒர்...' என்ற பாடலாகும். இது பெரியவர்களை மட்டுமல்ல; குழந்தைகளையும் எவ்வளவு தூரம் கவர்ந்தது என்பதற்கு இதோ ஒரு கடிதம்: புதுக்கோட்டை 4.1.69. இரண்டாவது உலகப்போரின் இறுதிக்கட்டம்; சிங்கப்பூர் மீது ஜப்பானிய விமானங்கள் குண்டுமாரி பொழிந்து கொண்டிருந்தன. எதிரியின் விமானங்கள் வந்தால்போதும்; மூலைக்கு மூலை பொருத்தப்பட்டிருந்த அபாய அறிவிப்புச் சங்குகள் 'ஒ'வென்று அலறும். உடனே எல்லோரும் வீட்டைவிட்டு வெளியே ஓடிவந்து, வீதிகளிலே தோண்டிவைக்கப்பட்டிருக்கும் பாதுகாப்புக் குழிகளில் பதுங்கிக் கொள்வார்கள். அப்படிப் பாதுகாப்புக் குழிகளுக்கு ஒடும் போதெல்லாம் ஒரு குடும்பத்தினர்