ஓர் இரவு
75
காட்சி - 28
இடம்:- தோட்டக்காரன் வீடு.
இருப்போர்:- தேவர், சொர்ணம், தோட்டக்காரன்.
[தேவர் கொஞ்சம் தெளிவுடன் இருக்கிறார். சொர்ணம் வீட்டு வேலைகளைக் கவனித்துக் கொண்டிருக்கிறாள். தோட்டக்காரன் ஒரு பொட்டலத்துடன் வந்து சேருகிறான், சொர்ணத்திடம் பொட்டலத்தைக் கொடுத்து]
தோ : சாப்பிடம்மா! சாப்பிடு! அரமனை பலகாரம் அருமையா இருக்கும்.
[சொர்ணம் பொட்டலத்தைப் பிரித்து, பலகாரத்தைத் தோட்டக்காரனுக்குத் தர, அவன் வாங்கிச் சாப்பிட்டுக் கொண்டே]
நான் அங்கேயே சாப்பிட்டுவிட்டுத்தான் வந்தேன். நீ சாப்பிடு. இதெல்லாம் நமக்கு எப்போதுமா கிடைக்கும்? சாப்பிடு.
சொ : அரமனையிலே, விருந்து பலமா?
தோ : பலத்துக்கு என்ன குறைவு? எங்க எஜமானரு இந்த வருஷம் கலர் வியாபாரத்திலே மட்டும் ஆறு லட்சம் அடிச்சாரு லாபம்.
சொ : அம்மாடி!.ஆறு லட்சமா?
தோ : ஆமாம்! ஆனை வாகன உற்சவம். இந்த வருஷம் அவருதானே நடத்தினாரு. ஐஞ்சி ரூவா வர்ணப்பெட்டி எழுவது ரூபாய்க்கு வித்தாரில்லே, ரொம்ப சாமர்த்தியக்காரரு.
சொ : அப்படியா?
தோ : இவரு சொல்றாரே!
[தேவரைக் காட்டி]
யாராரோ ஜெமீன் தாருங்கன்னு. அவங்க எல்லாம், நம்ம எஜமானரு கிட்ட ஒண்ணும் செய்திக்க முடியாது. ஆமா! ரொம்பப் பேரு அவருகிட்ட கடன் வாங்கினவங்கதான்
