இப்பக்கம் சரிபார்க்கப்பட்டது.
116
ரொட்டித்
டாக்டர்: டைபாயிட்...
பாரத்: சந்தேகப்பட்டேன்....
டாக்டர்: ஜாக்கிரதையாகக் கவனித்துக் கொள்ள வேண்டும்...ஒரு வாரம் போகவேண்டும்...நல்ல நிலைமை தெரிய...உடலிலே வலிவே இல்லை.
பாரத்: டானிக் கொடுக்கலாமா...?
டாக்: (இலேசான புன்னகையுடன்) ஆசாமி பிழைத்து எழுந்திருக்கட்டும் முதலில்? பிறகு டானிக் கொடுக்கலாம்.
பாரத்: பயம் இல்லையே...
டாக்டர்: எனக்கென்ன பயம்...இதைவிட மோசமான வியாதிக்காரனை எல்லாம் பார்த்திருக்கிறேன்...
பாரத்: இவன் உயிருக்கு..?
டாக்டர்: உத்திரவாதம் கேட்கிறாயா தம்பி! பயப்படாதே..ஒரு பத்துநாள் முன்னதாகவே வந்துஇருக்க வேண்டும்...இருந்தாலும் பரவாயில்லை...நான் பார்த்துக் கொள்கிறேன்.
[டாக்டரும், பாரத்பூஷணும் என்ன பேசிக் கொள்கிறார்கள் என்பது தெரியாத நிலையில் கிடக்கிறான் கதிர்வேல்.]
காட்சி—22.
இடம்: நெடுஞ்சாலை.
இருப்போர்: பலர்.
நிலைமை: பத்திரிகைகளின் விளம்பரத் தாட்களைக் கடைக்காரர்கள், தமது கடையிலே தொங்க விடுகிறார்கள்; அதிலே கொட்டை எழுத்தில் 'ரொட்டித் துண்டு' என்ற விளம்பரம் காணப்படுகிறது