பக்கம்:கண்ணாயிரத்தின் உலகம்.pdf/73

ரொட்டித் துண்டு
(நாடகம்)

காட்சி—1.

இடம்: செல்வபுரி ரயில் நிலையம்

இருப்போர்: ராம்லால் வணிகர், பணியாள், வேறு பலர்.

நிலைமை: இரயில் வந்து நிற்கிறது. இறங்குவோரும் ஏறுவோரும் வேலை செய்வோரும் வழி அனுப்ப வத்தவர்களும், பண்டங்கள் விற்போரும்.

ராம்லால் முதல் வகுப்பு வண்டியிலிருந்து இறங்குகிறார்...

ராமலிங்கம் என்பது அவருடைய பெயர். வடநாட்டு வியாபார தொடர்பு காரணமாக ராம்லால் என்று பெயரை மாற்றிக் கொண்டார்.

பணியாள் ஓடிச் சென்று, அவருடைய பெட்டி படுக்கையை எடுத்துக் கொண்டு அவர் பின்னால் அடக்கமாக வருகிறான்.

ராம்லால் வருவது கண்டு, பலர் தொலைவில் இருந்தபடியே வணக்கம் கூறுகிறார்கள்.

அவர்கள் வணக்கம் கூறுவது கடமைக்காகவே! பாசத்துடன் அல்ல என்பது விளக்கமாகத் தெரிய வருகிறது.