84 ☐ கனிச்சாறு - மூன்றாம் தொகுதி
77 நாங்கள் புலிகள்!
(எடுப்பு)
நாங்கள் புலிகள்
நாட்டைக் காப்போம்! ஓங்கிய தமிழர்
உரிமைகள் மீட்போம்!
(தொடுப்பு)
தூங்குதல் இல்லோம்; துயர்களைப் பாரோம்!
ஏங்குதல் கொள்ளோம்; இன்பம் விரும்போம்!
(நாங்கள்)
சூளுரை ஏற்றோம்; சோம்புதல் இல்லோம்!
தோளுரம் கொண்டோம்; துணிவொடு நிற்போம்!
(நாங்கள்)
அச்சமும் கொள்ளோம், அயர்வுகள் இல்லோம்!
எச்சமும் இன்றி, எம்கடன் செய்வோம்!
(நாங்கள்)
எழுச்சியும் செயலும் எங்கள் கொள்கை!
முழுச்சிதை வுறினும் முனைப்பில் தளரோம்!
(நாங்கள்)
இளைஞர்கள் வருவீர்! எம்முடன் சேர்வீர்!
இளைஞர்கள் எழுவீர்; எம்மொடு நடப்பீர்!
(நாங்கள்)
தமிழ்மொழி வளர்ப்போம்! தாழ்ச்சிகள் தகர்ப்போம்!
தமிழ்நிலம் அமைப்போம்! தளர்வுற மாட்டோம்!
(நாங்கள்)
உலகத் தமிழர் ஒன்றாய் இணைவோம்!
விலகுதல் இன்றி, வெற்றிகள் கொள்வோம்!
(நாங்கள்)