இப்பக்கம் மெய்ப்பு பார்க்கப்பட்டுள்ளது
96 ☐ கனிச்சாறு - மூன்றாம் தொகுதி
86 போக்கற்றோம் ! போக்கற்றோமே!
இலங்கையிலே குருதியாற்றில்
எந்தமிழர் பிணம்மிதக்கும்!
எரிதழுவும் வீடுகளை!
என்செய்வோம்! என்செய்வோமே!
விலங்கினங்கள் ஊர்புகுந்து,
வெவ்வாயில் உயிர்கவ்வி,
வெற்றுடலைக் குதறுகின்ற
வெறிகண்டோம்! வெறிகண்டோமே!
கலங்கையிலே நமது விழி
கண்ணீரைப் பொழியும்!உளம்
கனன்றுவிம்மும்! குலைவெடிக்கும்!
கையற்றோம்! கையற்றோமே!
புலங்கெட்டோம்! பொறிகெட்டோம்!
போயொளியும் வழியில்லை!
புன்மையிது! அடடா! ஓர்
போக்கற்றோம்! போக்கற்றோமே!
-1986
87 இந்தக் குழந்தைகள் தமிழக் குழந்தைகள்!
இந்தக் குழந்தைகள்
தமிழக் குழந்தைகள்;
இலங்கையில் செத்துக்
கொண்டிருக்கும்
இந்தக் குழந்தைகள்
மாந்தக் குழந்தைகள் :
ஏனோ, உலகம்
புறக்கணிக்கும்!
