இப்பக்கம் மெய்ப்பு பார்க்கப்பட்டுள்ளது
98 ☐ கனிச்சாறு - எட்டாம் தொகுதி
தமிழ்நாட்டின் அரசியலில்
தக்கதிறங் காட்டிநலம் சேர்த்தார் அன்னார்
தமிழருக்குத் திரு.வி.க.
கலங்கரையின் திருவிளக்கு! ஒளிவிளக்கு!
தமிழ்மனத்தால் பொதுத்தொண்டில்
தமைநனைத்துக் கொண்டவர்தாம் தமிழின் தென்றல்!
பயனுற முடிந்த பாப்பட்டி மன்றினை
நயனுறு வகையில் நடத்திய இயற்றமிழ்ப்
பயிற்றகத் தார்க்கும் - அதைப் - பயிற்றுறும் ஆசான்
குயிற்றமிழ்ப் புலவன் சரவணத் தமிழர்க்கும்
பாத்திறத் தோடு பட்டி மன்றினில்
நாத்திறம் நாட்டிய நற்புல வோர்க்கும்,
விருந்துத் தமிழை விழுமிய அமைவோ(டு)
இருந்து கேட்ட உங்கள் எல்லார்க்கும்
அன்புற நன்றியும் அமைவுற வணக்கமும்
இன்புறக் கூறி இதனை முடிப்பேன்!
