70
கன்னட நாட்டின் போர்வாள் ஹைதர் அலி
1767-ல் தொடங்கிய போராட்டம் அந்த ஆண்டு இறுதிக்குள், பலவகையில் மாறுதலடைந்தது. சிங்காரப் பேட்டையருகே ஆங்கில உதவிப் படை ஒன்றைத் தாக்கும் போது, ஹைதர் படைக்குப் பெருஞ்சேதம் விளைந்தது. ஹைதர் குதிரை சுடப்பட்டு விழுந்ததனால், அவன் உயிர் மயிரிழையளவே தப்பிப் பிழைத்தது. தவிர, அவன் கீழ்திசைப் போர் ஈடுபாடறிந்த மலையாளக் கரைக் குடி மன்னர் கிளர்ந்தெழுந்ததாக, அவன் கேள்விப்பட்டான். திப்புவின் தலைமையில் அவன் ஒரு படை அனுப்பி, அங்கே நிலைமையைச் சமாளித்தாலும், மதுரையிலிருந்தும், பம்பாயிலிருந்தும் ஆங்கிலேயர் அத்திசையில் கலவரங்களைக் கிளறிக் கொண்டேயிருந்தனர். பம்பாய்ப் படை, மங்களூரைப் பிடித்ததாகத் தெரிய வரவே, ஹைதர் திடுமென இரு கடற்கரைகளின் பக்கமும் போராட வேண்டி வந்தது. ஆனால், அவன் பெற்ற போர்த் திறமை, அவையனைத்தையும் இடைவிடா முயற்சியுடன் சமாளித்தது. மங்களூரைச் சென்று மீட்டு, எவரும் எதிர்பாரா வகையில், அவன் கிழக்கே தன் படைகளுக்கு உதவ முன் வந்து, இவ்வியத்தகு விரைவின் மூலமே, எதிரிகளின் உள்ளத்தில், அதிர் வேட்டுக்களை உண்டு பண்ணினான்.
ஓர் ஆங்கிலப் படை நிஜாம் பகுதி மீதே தாக்கத் தொடங்கிற்று. இது கேட்ட நிஜாம், தாயகத்துக்கு ஓடினான். ஆனால், அவன் ஓடியதுடன் அமையவில்லை. எவ்வளவு எளிதாக அவன் முன்பு, ஆங்கிலேயர் உறவைக் கை விட்டானோ, அதை விட எளிதாக, இப்போது அவன் ஹைதர் உறவை முன்னறிவிப்பின்றி எதிர்த்து விட்டு, ஆங்கிலேயருடன் ஒப்பந்தம் செய்து கொண்டான்.
நிஜாமின் துணை நீங்கியதால், ஹைதருக்கு உண்மையில் வலு மிகுந்ததென்றே கூற வேண்டும். ஏனென்றால், கடல்
