பக்கம்:கம்பன் எடுத்த முத்துக்கள்.pdf/17

14 கம்பன் எடுத்த முத்துக்கள் தொடர்புடையதும் பொருத்தமுடையதுமாக அமைந்துள்ளன. வ.வே.சு. ஐயர்கூட இப் படலம் (இரணியன் வதைப் படலம்) காப்பியத்தோடு தொடர்பின்றித் தனித்து நிற்பதைச் சுட்டுகிறார். அப்படியானால், உலகில் மிகச் சிறந்த காப்பியப் புலவனாகிய கம்பனுக்கு இப் படலத்தின் பொருந்தாமை தெரியாமலா இருந்திருக்கும்?. - ...எதிரணியில் ஈடு இணையற்று விளங்கும் இராவணன், வீடணன், கும்பகருணன், இந்திரசித்து, என்ற பாத்திரங்கள் இக் காண்டத்தில் படைக்கப்பட்டுள்ளன. . சில பகுதிகளைமட்டும் தொட்டுக்காட்டுவது பொருத்த முடையதாக இருக்கும். மேலே தரப் பட்டுள்ள மேற்கோள்களைக் கவனமாகக்ப்படித்துப் பார்த்தால், இந்தநூலின் கட்டமைப்பும் கருத்தமைப்பும் என்ன என்பது தெளிவாக விளங்கும். காண்டங்களின் அமைப்பை எடுத்துச் சொல்கிறார்; சில காண்டங்களைப் பற்றிச் சொல்லும்போது வடிவமைப்புக்கு (Structure) முதன்மை கொடுக்கிறார்; வேறு சில காண்டங்களில் சில பாத்திரங்களை விதந்து கூறி விளக்குகிறார்; மற்றுள்ள காண்டங்களில் நுவலும் பொருளுக்கு முக்கியத்துவம் தருகிறார். எந்தெந்தக் காண்டத்தில் எந்த்ெந்தக் கூறுகள் கவனத்துக்கு உரியனவோ அந்தந்தப் பாங்கில் நூல் அமைந்திருக்கிறது. பதசாரம்: திறனாய்வாளரின் விளக்கத்திலே கவிதையின் பல பாங்குகள் விளக்கம் பெறும். அவற்றுள் ஒன்று பத சாரம் காட்டுதல். இந்தச் சொல் ஏன்? வேறு சொல் ஏன் பொருந்தாது; சொல் நிரல் அமைப்பு எந்த நுட்பத்தைக் காட்டுகிறது? சொல் நிரல் மாற்றக்கூட்ாமைக்கு என்ன காரணம் ? - என்பன போன்ற சிந்தனைகளால் பத சாரம் சொல்வது மரபு. இந்தக் கலையின் எவரெஸ்டு எல்லையைக்