இப்பக்கம் மெய்ப்பு பார்க்கப்படவில்லை
கற்றைச் കു കd)
சூரியக் கோளம் அழுக்கானால் அதைச் சுத்தப் படுத்தும் உன்வியர்வை!
தூரக் கிழக்கு வான்பரப்பில் - மிகும்
தூசியைத் துடைக்கும் உன்கைகள்!
நிலவின் கறைகள் துடைக்கப்போ -அங்கு
நிழல்தரும் மரங்கள் வளர்க்கப்போ!
உலகத் தரையைக் கழுவிவிடு -முதலில்
உனது நகத்தின் அழுக்கையெடு!
நாளும் கழிவுக ளால் நாறி-நஞ்சாய்
நீளும் நதிகளைக் குளிப்பாட்டு;
கோளும் விண்மீன் தொகுதிகளும் -உன்
தோளை வலம்வர வழிகாட்டு!
நல்ல காற்று மண்டலமும் - தினம்
நச்சுத் தன்மை படிகிறதே!
உள்ளெழும் மூச்சுக் காற்றாலே - நீ
உலவும் காற்றைச் சலவைசெய்!
சுற்றுச் சூழலைக் கட்டுப்படுத்த -உன்
மக்கள் தொகையை மட்டுப்படுத்து!
சுற்றம் தழுவு; சுற்றத் தோடு
சுற்றுச்சூழல் சுத்தம் தழுவு!