இப்பக்கம் மெய்ப்பு பார்க்கப்படவில்லை
தரைமொழி களுக்குள் மூத்தவளே
தான்மூப் படைந்தும் இளையவளே! வரைமுறை வைத்துக் காப்பவளே
வளர்மொழி இன்றேன் தளர்கின்றாய்? உரைநடை, கவிதை இரண்டும் நீ
உடுக்கும் ஆடைகள்! அவ்வுடையை அரையாய்க் குறைத்தது கதையுலகம்; அதையும் பறித்தது கவியுலகம்!
தலைமை ஏற்கும் தமிழ்மகளே!
தமிழ்ப்பத் திரிகை எழுத்துகளில் தலைவி உன்னைத் தனியாக
தரிசனம் செய்ய முடிவதில்லை! தொலைதே சத்து வேற்றுமொழித் தோழியர் கூட்டம் சூழ்ந்துவர தலைவி உலவி வருகின்றாய்;
தனியே காண்பது எந்நாளோ?
