இப்பக்கம் மெய்ப்பு பார்க்கப்படவில்லை
சுட்டுவில் நீ சுருங்குவதா?
நிமிர்வாய் தமிழா, எழுவாய் - அட,
நீதான் உலகின் எழுவாய்!
உமியாய்ப் பறக்கும் பகைவாய் - நீ
உயிர்ப்பாய், புரட்சிப் புயலாய்!
எட்டுத் திசையும் புகழ்பொறித்தாய் - இன்று இருப்பதில் பாதியைப் பறிகொடுத்தாய்!
சுட்டுவிரல் நீ சுருங்குவதா? - உன்
சுயபலம் உனக்குள் ஒடுங்குவதா?
இனம்மொழி காக்கக் கொடியுயர்த்து - நீ
இருப்பதைக் காக்கத் தோளுயர்த்து!
அனுமதி யாரிடம் பெற வேண்டும்? -நீ
ஆர்த்தெழுந் தால்தான் நிலைமாறும்!
தமிழன் ஆட்சி தமிழில் இல்லை - அட
தமிழுக்குக் கல்வியில் தலைமையில்லை!
தமிழன் கோயிலில் தமிழில்லை - சீ
தமிழன் வாயிலும் தமிழில்லை!
வேர்க்குணம் நமது இனமானம் - உன் விழிக்குள் வரட்டும் செவ்வானம்!
போர்க்குணம் நமக்கு உடையல்லவா - நாம்
புறநா னுற்றுப் படையல்லவா?