உருவெளித் தோற்றம்
செல்வா னிளம்பருதி தெற்றெனவே மேற்கிளம்பி
எவ்வாயினும் ஒளியை இன்னினிதாய் வீசிடவும்
காலைப் புள்ளினங்கள் கண்ணியநற் றீங்குரலில்
சாலப் பலபாடித் தாவிக் குதித்திடவும்
உற்றதொரு வேளையிலே உள்ளம் பறிகொடுத்து
மற்றப் பொருள்மறந்து மாமயலி லாழ்ந்து
விட்டேன்
உள்ளத்திற் காதல்கொண்டேன் உண்மைவழி
(தன்னில்வரும்
வெள்ளத்தனை அன்பை வேண்டி மனங்கரைந்தேன்
கண்டேன் இன்பநிலை கட்டுரைக்க மாட்டாதே
கொண்டேன் மாமயலும் கூசாமற் கூறுகின்றேன்
காமக் கண்ணியவள் காணரிய கட்டழகி
நாம இனியவள் நாடியெனை வந்திடவும்
பற்றி வளைக்கரங்கள் பக்கல் உடன் இருத்தி
உற்ற நலம்வினவி உள்ளம் ஒன்றுபடக்
கண்டோம் இருவருடல் கட்டிடவே இன்பநிலை
கொண்டோம் குளிர்கொன்றைச் சடையனெனவே
யானோம்
மாற்றி உயர்முத்தம் மகிழ்வாகப் பெற்றபின்பு
சாற்றரிய அன்பின் தனிக்கடலி லாழ்ந்துவிட்டோம்
பிரிந்த நிலைஅறியோம் பேசா மெளனநிலை
104
