இப்பக்கம் மெய்ப்பு பார்க்கப்பட்டுள்ளது
இயற்கை
கங்குல் முழுதும் கலங்கிநின்ற காரிகையார்
காலைந் பொழுததனைக் கண்டு மகிழ்ந்திடவும்
சாலச் சிறந்த தவசியர்கள் தண்டுடனே
தத்தம் கடனாற்றச் சார்பிடங்கள் நாடிடவும்
புத்தம் புதிய புதுமைகளே தோன்றிடவும்
தனது ஒளிபரப்பித் தமனியமாம் நீள்காத்தால்
மனது மலர்விரிய மாநிலத்தே தோன்றிற்று
செங்கரத்தால் மக்களது தீத்துயிலைப் போக்குவிக்க
எங்கும் விளங்க இன்கதிரோன் மேலெழுந்தான்
பார்க்கு மிடமெங்கும் பால்கதிரோன் தன்னொளியே
நோக்கு மிடமெல்லாம் நுகரும் பெருவெளியே
வாழிய செங்கதிரோன் வாழ்க அவன் றன்கதிரும்
வாழ்ந்திடுக அவன்தோற்றம் வாழ்ந்திடுக அவன் நிறமும்
வாழிநன் நெஞ்சமே வளர்கதிரோன் அருள்போங்றி
வாழி நீ பன்னாள் வாழ்ந்திடுக கதிரோனே!◌
◌1938ல் எழுதியது
121
