5
காஞ்சித்தொகுதி மக்களின் நல்லெண்ணத்தையும், நம்பிக்கையும் பெற, நான் மீண்டும் பாடுபடுவேன். இதுபோல் மற்றவர்களும் பாடுபடவேண்டும். எனது தோல்வி பெரிதல்ல; பெற்றிருக்கின்ற வெற்றி மிகச் சாதாரணமானதுமல்ல; மகத்தான வெற்றிகளை நாம் இந்தத் தேர்தலிலே பெற்றிருக்கிறோம்.
என்னைப்போன்றவர்கள் இந்த சட்டமன்றத்தில் இல்லாத காரணத்தினால் புதிதாக வருபவர்கள் எப்படி ஆட்டி வைப்பார்களோ என்ன தொல்லை தருவார்ளோ என்று பயப்படத்தேவையில்லை.
வெற்றி பெற்றவர்களிடை, நான் இருந்த இடத்தில் அமைதியே உருவாக அமைந்த நமது நாவலர் நெடுஞ்செழியன் இருந்து நல்லபடியாக வழி நடத்துவார்.
சென்ற முறை இருந்து அனுபவம் பெற்ற தம்பி கருணாநிதி புதிதாக வருகின்றவர் தளுக்கு பிரச்சனைகளை எடுத்துச் சொல்லி விளங்க வைத்து ஆற்றல் மிக்க பணியை சிறப்புடையதாகச் செய்வார்.
நம்மவர் அரசியல் பக்குவம் பெற்றவர்கள்
நாவலர் நெடுஞ்செழியன் நடமாடும் பல்கலைக்கழகமாக விளங்குவார்.
நெல்லிக்குப்பம் தொகுதியிலே தேர்ந்தெடுக்கப்பட்ட கிருஷ்ணமூர்த்தியும், பெண்ணாகரம் தொகுதியிலே வெற்றிபெற்ற கரிவேங்கடமும், திருக்கோட்டியூர் தொகுதியிலே வெற்றிபெற்ற மாதவனும் வக்கீலாகவும், பட்டதாரிகளாகவும் இருப்பவர்கள். செய்யாறு தொகுதியிலே வெற்றி பெற்ற புலவர் கோவிந்தன் பி. ஓ. எல் படித்தவர்.
ஊத்தங்கரை தொகுயிலே தேர்ந்தெடுக்கப்பட்ட
கமலநாதன் வாணியம்பாடியில் வெற்றி பெற்ற எம். பி. வடிவேலு ஆகியோர் பஞ்சாயத்துத் தலைவர்களாக இருந்து அனுபவம் பெற்றவர்கள்.
