பக்கம்:காலந்தோறும் தமிழகம்.pdf/130

கா. கோவிந்தனார் 131 அவனும் உணர்த்தவனாதலின், உடனே வேங்கி நாடு நோக்கிப் புறப்பட்டு, சாளுக்கியர் படையை இடைவழி யிலேயே வழிமறித்துப் போரிட்டு அழித்தான். வேங்கி நாட்டு இடைவழியில், சாளுக்கியர் படை தோற்றுப் புதங்காட்டி விட்டதே ஒழிய, அது அடங்கி ஒடுங்கிவிடவில்லை; மாறாக, கிருஷ்ணை, துங்கபத்திரை ஆகிய இரு பேராறுகளும் கூடும். இ.மாகிய கூடல் சங்கமத்தில் பெரும்படையோடு பாடி கொண்டிருக்கும் ஆகவமல்ல னோடு இணைந்து கொண்டது; அது அறிந்த வீரராசேந் திரன், சாளுக்கியர் படையைக் கூடல் சங்கமத்தில் விட்டுச் செல்வது போர் முறையாகாது என உணர்ந்து, கூடல் சங்கமம் நோக்கிப் புறப்பட்டான். கடும் போர் நடை பெற்றது; வழக்கம் போல் இப்டோரிலும் ஆகவமல்லன் புறங்காட்டி விட்டான்; அவன் பாசறையில் விட்டுச் சென்ற பட்டத்து யானை முதலாம் பெரும் படைகளையும், பட்டத்து அரசியையும், பெரும் பொருளையும் கைக் கொண்டு, கங்கைகொண்ட சோழபுரம் அடைந்து விசயாபி டேகம் செய்து கொண்டான், - கூடல் சங்கமத்துப் பெற்ற வெற்றியைக் "குந்து ளரைக் கூடல் சங்கமத்து வென்ற கோன் - அபயன்' எனக் கலிங்கத்துப்பரண்கியும், - "கூடலார் சங்கமத்துக் கொள்ளும் தனிப் பரணிக்கு. எண்ணிறந்த தங்கமதயானை துணித்தோனும்' என விக்கிரம சோழன் உலாவும், - !. "பாடவரியபரணி, பாட்டணிiழ் கூடலார் சங்கமத்துக் கொண்ட கோன்' என இராசராச சோழன் உலாவும் பாராட்டியுள்ளன.