பக்கம்:கிட்கிந்தா காண்டத் திறனாய்வு.pdf/113

சுந்தர சண்முகனார் 109 நின்று அம்பு எய்வதற்குத்தானா நீ வில் பயிற்சியில் வல்லவனானது? "தாரம் மற்றொருவன் கொளத் தன்கையில் பார வெஞ்சிலை வீரம் பழிப்பதே நேரும் அன்று மறைந்து கிராயுதன் மார்பின் எய்யவோ வில்இகல் வல்லதே' (99) தாரம் - மனைவி. பாரம் = சுமை. நிராயுதன் = படை வைத்திராதவன். மனைவியைக் கவர்ந்தவன் மேல் அம்பு எய்யாத வில், பழிப்புக்கு இடமான வெற்றுச் சுமையாம். உனக்கு வில் ஒரு கேடா? - என்று இழித் துரைப்பதுபோல் உள்ளது இது. “அறுக்கமாட்டாதவன் இடுப்பில் ஐம்பத்தெட்டு அரிவாளாம்” என்னும் பழமொழி ஈண்டு நினைவுகூரத் தக்கது. போராளி ஒருவன் தன் எதிரியின் படைத் தலைவனது காலை வெட்டிக் கொண்டு போய்த் தன் அரசன்முன் வைத்து, "இதோ பாருங்கள் . எதிரி படைத் தலைவனது காலை வெட்டிக் கொண்டு வந்து விட்டேன்’ என்றானாம். அதற்கு அரசன், எதிரியின் 56) ಉ೯೧L வெட்டிக்கொண்டு வருவதல்லவா வீரம்? என்றானாம். உடனே போராளி, நான் என்ன செய்வேன். எனக்கு முன்னமேயே எவனோ தலையை வெட்டிக்கொண்டு போய்விட்டான்-அதனால் நான் காலை வெட்டிக்கொண்டு வந்தேன் என்றானாம். தலையில்லாத முண்டத்தின் காலை வெட்டியதுபோல், கையில் படைக்கலம் எதுவும் இல்லாதவன் மேல் அம்பு எய்யப்பட்டுள்ளது-அதுவும் மறைந்து நின்று எய்யப்பட்டது-என்று இழித்துரைக்கிறான் வாலி. இராமனின் மறு மொழி: தன்மேல் குற்றம் சாட்டிய வாலியிடம், முறையாக நடந்து கொண்ட சுக்கீரீவனுக்காக நான் உன்னைக்கொல்வது குற்றம் இல்லை என்பதை நிலைநாட்ட, இது நடந்துள்ள