பக்கம்:கிட்கிந்தா காண்டத் திறனாய்வு.pdf/286

282 கிட்கிந்தா காண்டத் திறனாய்வு உயிர்விட இரண்டு வழிகள் உள்ளன. ஒன்று உண்ணாது உயிர் போகும் வரை வடக்கு நோக்கியிருந்து தவம் செய்தால் தானாக உயிர்போய் விடும். மற்றொன்று தற்கொலை, அதாவது நஞ்சு உண்டு இறத்தல். கடு = நஞ்சு. நெடுங்கடு = மிக்க வலிமை வாய்ந்த - அதாவது விரைவில் உயிர் போக்கக் கூடிய நஞ்சு, மருந்து அரு = மருந்து இல்லாத அதாவது, அந்த நஞ்சை உண்டுவிடின், பிறகு அதைப் போக்குவதற்கு மருந்தே கிடையாது; அத்தகைய நஞ்சு, கடமையை முடிக்காமல் உயிர் வாழ்வதனினும் இறப்பதே மேல் என அவர்கள் எண்ணியது அவர்களின் கடமை உணர்வைக் காண்பிக்கிறது. . அங்கதன் சொன்னது செய்வோம் என்று உறுதி கூறியபடி செய்து முடிக்க வில்லை. இதைப் போய் விரைவில் இராமனுக்குத் தெரிவிக்கும் துணிவும் நமக்கில்லை. இனித் தேடிக் கண்டு பிடித்து விடலாம் என்ற நம்பிக்கையும் இல்லை. இதுதான் நட்புக்கு அழகோ - என்று அங்கதன் கூறினான்: "செய்தும் என்று அமைந்தது செய்துதீர்க் திலம் கொய்து சென்று உற்றது நுவலகிற் றிலம் எய்தும் வந்து என்பதோர் இறையும் கண்டிலம் உய்தும் என்றால் இதுஓர் உரிமைத் தாகுமோ” (8) ஒன்றும் செய்யாது நாம் உயிர் வாழ்வது நட்புக்கு அடையாளமாகாது - என்றான். அது கேட்ட கரடி அரசனான சாம்பவான், அங்கதனே! நாங்கள் இறந்து விடலாம்; ஆனால் நீ இருக்க வேண்டும் என்றான். அதற்கு அங்கதன் கூறுவான்: ' -- முதலில் நான் - . . வானர' மறவர்கள் பழிக்ரு அஞ்சி உயிர் விட்டும், அங்கதன் மட்டும் உயிரோடு இருக்கலாமா என உலகோர் கூறுமுன் யான் முதலில் மாளுவேன் என்றான் அங்கதன்: