குறும்பா
63
ஆயிரம் கட்சி ஆயிரம் தலைவர் நாட்டில்
அனைவருழைப்பும் மக்கட்கென்றார் ஏட்டில்:
ஆயிரம் திட்டம் ஆயிரம் கொள்கை
ஆயிரம் போக்கு கொண்டோர் ஒருமைப் பாட்டில்
தோயணும் என்று விழாவெடுத்தார்
ஆயிரம் தலைவர் ஒன்றுவது என்றோ கோட்டில்!
◯
சூதாட்டத் தூண்டிலிலைப் போட்டுச்
சுரண்டுகிற முதலாளிய வேட்டு
ஆதாயத்தை அரசியலின
அரவணைப்பில் கொள்ளையிட்டுக், காட்டு
ஒநாயாகச் சாகடிப்பார்
மக்களுயிர் உறிஞ்சுவதில் கூட்டு!
◯
பொதுவுடைமை பொலிந்திடாஇந் நாடு
புற்றரவின் நச்சுமலைக் காடு
எதிலும் எங்கும் தன் னலத்தின்
இரைபிடிக்கும் சிலந்திவலைக் கூடு.
எதுவரைக்கும் இதுநிலைக்கும்
எரிமலையாம் புரட்சிமக்கள் பாடு!
◯
அன்பின்விழிகள் சாவிருளின் ஊடும்
அகன்வானின் விண்மீன்களாய்ப் பாடும்.
அன்பின் பாதம் காலணிகள்
எவையும் இன்றிக் கல்லில் முள்ளில் ஓடும்:
அன்பே என்றும் இறப்பைவென்று
அனைத்துலகை அரவணைத்துக் கூடும்!
