இப்பக்கம் மெய்ப்பு பார்க்கப்பட்டுள்ளது
48. தைப் பொங்கல்
பொங்கல்! இன்று பொங்கல்!
புதுவருஷப் பொங்கல்!
மங்கலங்கள் பொங்க
மனையிலிடும் பொங்கல்!
1
சந்தனத்தைக் குழைத்துத்
தரையைமெழு கிடுவோம்;
சிந்துரத்தாற் கோலம்
சேர அதில் அமைப்போம்.
2
எங்கள் கண பதியை
எழுந்தருளச் செய்வோம்;
மங்கலநற் பொருள்கள்
வரிசைகொள வைப்போம்.
3
வாசமிக வீசும்
மலர் எடுத்து வருவோம்;
நேசமொடு தூவி
நின்றுதொழு திடுவோம்.
4
தலைகள் விரித் திடுவோம்;
இளநீர்கள் வைப்போம்;
குலைகுலையாய்க் கனிகள்
கொண்டுவந்து வைப்போம்.
5
பச்சைமஞ்சள் இஞ்சி
படைபடையாய் வைப்போம்
இச்சைதரு கரும்பும்
இடையிடையே நடுவோம்.
6
