53. மகாத்மா காந்தியடிகள்
வெண்பா
சத்தியத்தால் மன் அரிச் சந்திரனைத் தண்ணருளால்
புத்தபெரு மானையொத்த புண்ணியனை - உத்தமனாம்
அந்தணனைக் காந்தி அடிகளை அன்போடு
சிந்தனைசெய் நெஞ்சே தினம்.
1
வேறு
மெய்யே நெஞ்சில் நாடிடுவார்.
விஞ்சும் பொறுமை போற்றிடுவார்.
வையம் மகிழ அருள் நெறியில்
வாழ்வு கண்டு வாழ்ந்திடுவார்,
தெய்வம் தொழுவார், நடுநீதி
திறம்பா தென்றும் காத்திடுவார்
ஐயமின்றிக் காந்தி மகான்
அன்ப ராவார் அறிவீரே.
2
54. ஒற்றுமை
ஒற்றுமையாக உழைத்திடுவோம் - நாட்டில்
உற்ற துணைவராய் வாழ்ந்திடுவோம்;
வெற்றுரை பேசித் திரிய வேண்டாம் - இன்னும்
வீணாய்ப் புராணம் விரிக்கவேண்டாம்.
1
சாதி இரண்டலால் வேறுளதோ?-ஒளவைத்
தாயின் உரையும் மறந்தீரோ?
ஆதி இறைவன் வகுத்ததுவோ?-மக்கள்
ஆக்கிய கற்பனை தான் இதுவோ?
2
