எஸ்.நவராஜ் செல்லையா
39
7. முன்னே பதிவு செய்து கொண்டிருந்த வரிசையில் இல்லாமல் ‘ஓடும் வரிசை’ மாறிவரும் ஆட்டக்காரர் களையும் (Out of Turn) வெளியேற்றியதாக (Out) நடுவர் அறிவித்துவிடுவார். இது, அந்த ஆடும் வாய்ப்பு முடிகிற வரைக்கும் தொடர்ந்திருக்கும்.
8. மூவர் மூவராகத்தான் உள்ளே நுழைய வேண்டும். அவர்களில், மூன்றாவது ஆட்டக்காரரைத் தொட்டு வெளியேற்றிய ஓடி விரட்டுபவர், புதிதாக வரும் ஓட்டக்காரர்களை உடனே விரட்டக் கூடாது. அவர் உடனே யாராவது ஒருவருக்குக் ‘கோ’ கொடுத்துவிட்டு உட்கார்ந்துவிட வேண்டும். அவ்வாறு அவர் உட்காராமல், உள்ளே வரும் ஓட்டக்காரர்களைத் தொட முயன்றால், அது தவறாகும்.
மூன்றாவது ஓட்டக்காரர் என்பவர், ஒவ்வொரு முறை நுழைகின்ற மூன்று ஆட்டக்காரர்களிலும் தொடப்படாமல் கடைசியாக ஆடிக் கொண்டிருப்பவர்.
9. ஒவ்வொரு குழுவும் தனது ஓட்டக்காரர்களை ஆடுகளத்தின் ஒரு பக்கத்திலிருந்தே, அதாவது அமர்ந்திருக்கும் கட்டத்திலிருந்தே (Block) அனுப்ப வேண்டும்.
10. ஒவ்வொரு ‘முறை ஆட்டத்திற்கு’ (Inning) இடையேயும் 5 நிமிடங்கள் இடைவேளை உண்டு.
ஒவ்வொரு ஆடும் வாய்ப்புக்கு (Turn) இடையேயும் 2 நிமிடங்கள் இடைவேளை உண்டு.
11. ஓட்டக்காரர் ஒருவரைத் தொட்டு வெளியேற்றி விட்டால், விரட்டித் தொட்ட குழுவிற்கு 1 வெற்றி எண் (Point) கிடைக்கும்.