இப்பக்கம் மெய்ப்பு பார்க்கப்பட்டுள்ளது
598
| இலை | : | தனி இலை. எதிர் அடுக்கில் அமைந்திருக்கும். இலைக் கோணத்தில் உள்ள கணுக்குருத்து இரு கிளைகளாக வளரும். |
| மஞ்சரி | : | கிளகளில் உள்ள எதிரடுக்கான இலைகளுடன் சேர்ந்த ‘வர்ட்டிசி லாஸ்டர்’ என்ற பசிய கிண்ணம் போன்ற பூந்துணர். |
| மலர் | : | தூய வெண்ணிற மலர். பூங்கொத்தில் உண்டாகும். |
| புல்லி வட்டம் | : | குழல் வடிவானது. பசியது. நுனியில் 10 விளிம்புகளை உடையது. விளிம்புகட்கு உட்புறமாக வட்ட வடிவில் நுண்மயிர்கள் அடர்ந்திருக்கும். விதை உண்டாகும் புல்லிக் குழல் சற்று நீளமானது. |
| அல்லி வட்டம் | : | 5 இதழ்கள் இரு உதடுகள் போன்றிருக்கும். அடியில் இவை இணைந்து, குழல் வடிவாயிருக்கும். மேல் உதடு விரிந்து 3 பிளவாகக் காணப்படும். அல்லியிதழ்களுக்குள் மிக நுண்ணிய வெள்ளிய மயிர் அடர்ந்திருக்கும். |
| மகரந்த வட்டம் | : | 4 தாதிழைகள். இரண்டு உயரமானவை பூவின் அடிப்புறத்திலும், இரு குட்டையான தாதிழைகள் மேற்புறத்திலும் இருக்கும். இவை நான்கும் மேல் உதட்டில் அடங்கியிருக்கும். |
| சூலக வட்டம் | : | 4 பிரிவானது. சூல்தண்டு நீண்டது. 4 முட்டை வடிவான ‘நட்லெட்’ என்ற உலர்கனிகள் உண்டாகும். |
இதன் குரோமோசோம் எண்ணிக்கை 2n = 22 என ஜா, சின்ஹா (1960) என்போர் கண்டறிந்தனர்.
